தமிழகத்தில் 717 டாஸ்மாக் கடைகளை மூட விஜய் உத்தரவு!!

தமிழ்நாட்டில் 4,829 'டாஸ்மாக்' மதுகடைகள் இயங்கி வருகின்றன. மாதம் ரூ.4 ஆயிரம் கோடி அளவுக்கு மது விற்பனை நடைபெற்று வருகிறது.

குறித்த அனைத்து கடைகளும் இரண்டு வாரங்களுக்குள் மூடப்படும் எனவும் தெரிவிக்கப்பட்டுள்ளது.அவர் தனது தேர்தல் வாக்குறுதியில் பெண்கள் பாதுகாப்பு மற்றும் போதையில்லா தமிழ்நாடு என்ற விடயங்களைத் தெரிவித்தார். இதனடிப்படையில் தமிழ்நாடு முழுவதும் காவல்துறை அதிகாரிகளால் போதைப்பொருள் தடுப்பு நடவடிக்கைகள் மேற்கொள்ளப்பட்டு வருகின்றன.தொடர்ச்சியாகச் சட்டவிரோதமாக மதுபானம் விற்பனை செய்யப்படும் மதுபான சாலைகள் கண்டறியப்பட்டு நடவடிக்கைகள் எடுக்கப்பட்டு வருகின்றன. 

இந்த நிலையில் 717 மதுபானக் கடைகளை மூட முதல்வர் உத்தரவு பிறப்பித்துள்ளார்.இதுதொடர்பாக வெளியிடப்பட்டுள்ள அறிவிப்பில் “தமிழ்நாடு மாநில வாணிபக் கழகத்தால் 4,765 மதுபான சில்லறை விற்பனைக் கடைகள் தற்போது நடத்தப்பட்டு வருகின்றன. 

 அதில் வழிபாட்டுத்தலங்கள், கல்வி நிறுவனங்கள் மற்றும் பேருந்து நிலையங்கள் அருகிலிருந்து 500 மீட்டர் வரை அமைந்துள்ள கடைகளை ஆய்வு செய்து கண்டறியுமாறு தமிழ்நாடு முதலமைச்சர் ஜோசப் விஜய் உத்தரவிட்டார்.

அம்பலாந்தோட்டை தலை துண்டிக்கப்பட்டு கொலை!!

அம்பலாந்தோட்ட மாமடல தெற்கு போகுடுயாய பகுதியில் நபர் ஒருவர் கொல்லப்பட்டமை மற்றும் மற்றொருவருக்கு பாரிய காயம் ஏற்படுத்தியமை தொடர்பில் அம்பலாந்தோட்டை பொலிஸார் விசாரணைகளை ஆரம்பித்துள்ளனர். 

 இவ்வாறு கொல்லப்பட்டவர் 34 வயதுடைய மூன்று பிள்ளைகளின் தந்தை எனவும், காயமடைந்தவர் அவரது மனைவியின் தந்தை எனவும் பொலிஸார் தெரிவித்தனர். 

 குறித்த நபரை கொலை செய்வதற்காக மூவர் அவரது வீட்டிற்கு வந்துள்ளதுடன், அவரை கொலை செய்த பின்னர், அவரது தலை துண்டிக்கப்பட்டு மாமடல சந்தியில் உள்ள ஒரு சிலைக்கு அடியில் வைத்து விட்டுச் சென்றுள்ளதாகத் தெரிவிக்கப்படுகிறது. 

 கொல்லப்பட்ட நபர், கடந்த ஆண்டு ஜனவரி 2ஆம் திகதி அம்பலாந்தோட்டை, அலேகொட மேற்கு பகுதியில் இடம்பெற்ற முக்கொலை சம்பவத்தின் சந்தேகநபர் ஆவார். 

 இது தொடர்பாக விளக்கமறியலில் வைக்கப்பட்டிருந்த அவர், கடந்த மார்ச் 30ஆம் திகதி பிணையில் வெளிவந்திருந்தார். அந்தக் கொலைக்கு பழிவாங்கும் நோக்கில் இந்த நபர் கொலை செய்யப்பட்டிருக்கலாம் என பொலிஸார் சந்தேகிக்கின்றனர்.

கொலையாளிகளால் கொண்டுவரப்பட்டதாக சந்தேகிக்கப்படும் உள்நாட்டில் தயாரிக்கப்பட்ட துப்பாக்கி ஒன்றையும் அவ்விடத்தில் விட்டுச் சென்ற நிலையில் பொலிஸார் மீட்டுள்ளனர். சம்பவம் தொடர்பாக அம்பலாந்தோட்டை பொலிஸார் மேலதிக விசாரணைகளை மேற்கொண்டு வருகின்றனர்.

ஸ்பெயின் வெறும் பதட்டம்தான் பிரெஞ்சுப் பெண்ணிடம் கூறினர்.

சொகுசுக் கப்பலில் இருந்து மீட்கப்பட்ட பிறகு ஹன்டா வைரஸ் தொற்று உறுதி செய்யப்பட்ட பிரெஞ்சுப் பெண் ஒருவர், கப்பலில் இருந்த மருத்துவர்களிடம் தனது அறிகுறிகளைத் தெரிவித்தபோது,அது ஒருவேளை வெறும் பதட்டமாக இருக்கலாம் என்று அவரிடம் கூறப்பட்டதாக ஸ்பெயின் சுகாதார அமைச்சர் தெரிவித்துள்ளார்.

 கொடிய ஹன்டா வைரஸ் பரவலின் மையமாக இருந்த கப்பலில் பயணம் செய்த அந்தப் பெண், சளி போன்ற அறிகுறிகளால் அவதிப்பட்டு வந்ததாகவும், ஆனால் அவை குணமடைந்து வருவதாகவும், அவருக்குக் காய்ச்சல் இல்லை என்றும் ஜேவியர் படில்லா பெர்னால்டெஸ் கூறினார். பின்னர், அந்தப் பெண் "மிகவும் கவலைக்கிடமான" நிலையில் இருப்பதாக உலக சுகாதார அமைப்பு தெரிவித்தது.

ஸ்பானிய அதிகாரிகளால் "சிக்கலான" மற்றும் "முன்னெப்போதும் இல்லாத" நடவடிக்கை என விவரிக்கப்பட்ட ஒரு நிகழ்வில், 48 மணி நேரத்தில் 23 நாடுகளைச் சேர்ந்த 120 பேர் தாயகம் திரும்பியதைத் தொடர்ந்து, எம்வி ஹோண்டியஸ் கப்பல் திங்கள்கிழமை மாலை கேனரி தீவான டெனெரிஃபில் உள்ள துறைமுகத்தை விட்டுப் புறப்பட்டது. 

செவ்வாய்க்கிழமை இரவு, ஹோண்டியஸ் கப்பலில் இருந்து பயணிகள் மற்றும் பணியாளர்களை ஏற்றிச் சென்ற கடைசி இரண்டு மீட்பு விமானங்கள் நெதர்லாந்தில் தரையிறங்கின.

கிருமி நீக்கம் செய்வதற்காக ராட்டர்டாமில் நிறுத்தப்படவுள்ள அந்தக் கப்பலில், இருபத்தாறு பணியாளர்களும் இரண்டு சுகாதாரப் பணியாளர்களும் தங்கியுள்ளனர். 

பயணத்தின் போது உயிரிழந்த ஒரு ஜெர்மானியப் பயணியின் உடலையும் அந்தக் கப்பல் கொண்டு செல்கிறது. கப்பலில் இருந்த மூன்று பேர் உயிரிழந்திருந்த போதிலும், மேலும் எட்டு பேருக்கு நோய்த்தொற்று உறுதிசெய்யப்பட்டிருந்த போதிலும், ஐரோப்பிய நோய் தடுப்பு மற்றும் கட்டுப்பாட்டு மையம் மற்றும் ஸ்பானிய வெளிநாட்டு சுகாதார சேவையைச் சேர்ந்த மருத்துவர்கள் அந்த பிரெஞ்சுப் பெண்ணைப் பரிசோதித்து, அவரது அறிகுறிகளைப் பதட்டம் அல்லது மன அழுத்தம் என்று நிராகரித்துவிட்டனர் என படில்லா கூறினார்.

 "இந்த அறிகுறிகள் ஹன்டா வைரஸுடன் ஒத்துப்போகும் என்று அவர்கள் நினைக்கவில்லை. ஏன்? ஏனென்றால், சில நாட்களுக்கு முன்பு தனக்கு இருமல் ஏற்பட்டு அது மறைந்துவிட்டதாகவும், அந்த நேரத்தில் தனக்கு இருந்தது ஒருவித மன அழுத்தம், பதட்டம் அல்லது நரம்புத் தளர்ச்சி போன்றது என்றும் அவர் அவர்களிடம் கூறினார். எனவே அது (ஹன்டா வைரஸாக) வகைப்படுத்தப்படவில்லை," என்று படில்லா கூறினார். 

 டெனெரிஃபேயிலிருந்து கப்பல் புறப்பட்டபோது பேசிய உலக சுகாதார அமைப்பின் (WHO) தலைமை இயக்குநர் டாக்டர் டெட்ரோஸ் அதானோம் கெப்ரேயெசஸ், கப்பலில் இருந்தவர்களுக்கு உதவிக்கு வந்ததற்காக ஸ்பெயினுக்கு நன்றி தெரிவித்தார். 

மேலும், பிரெஞ்சுப் பயணி தற்போது "மிகவும் கவலைக்கிடமான" நிலையில் இருப்பதாகவும் அவர் கூறினார். "அவர் இன்னும் சிறிது காலம் கப்பலிலேயே தங்கியிருந்தால் என்னவாகியிருக்கும் என்று கற்பனை செய்து பாருங்கள்," என்றும் அவர் குறிப்பிட்டார்.

இங்கிலாந்து 5 ஐந்து மணி நேரத்திற்கு ஒரு லித்தியம் பேட்டரி தீ விபத்தில்!!

காப்பீட்டாளரால் சேகரிக்கப்பட்ட தகவல் அறியும் உரிமை பதில்களின்படி, தீயணைப்புப் படைகள் 2025-ஆம் ஆண்டில் 1,760 பேட்டரி தொடர்பான தீ விபத்துக்களைக் கையாண்டன, இது மூன்று ஆண்டுகளில் 147% அதிகமாகும்.

ஐக்கிய இராச்சியம் முழுவதும் உள்ள தீயணைப்புப் படைகள், ஒவ்வொரு ஐந்து மணி நேரத்திற்கும் ஒரு லித்தியம்-அயன் பேட்டரி தீ விபத்தைக் கையாண்டு வருவதாக புள்ளிவிவரங்கள் காட்டுகின்றன. அதே நேரத்தில், இந்தப் புதிய அபாயத்தின் பரவலான தன்மைக்கு ஏற்ப பொது விழிப்புணர்வும் அரசாங்க ஒழுங்குமுறைகளும் மேம்படுத்தப்படவில்லை என்று தீயணைப்புத் துறைத் தலைவர்கள் எச்சரிக்கின்றனர். 

 லித்தியம்-அயன் பேட்டரிகள், கைபேசிகள், மின்சாரப் பல் துலக்கிகள், பொம்மைகள் மற்றும் வேப்கள் உள்ளிட்ட பெரும்பாலான ரீசார்ஜ் செய்யக்கூடிய சாதனங்களுக்கும், அத்துடன் இ-பைக்குகள், இ-ஸ்கூட்டர்கள் மற்றும் மின்சார வாகனங்களுக்கும் ஆற்றலை வழங்குகின்றன. 

 தகவல் அறியும் உரிமை கோரிக்கைகள் மூலம் உலகளாவிய வணிகக் காப்பீட்டு நிறுவனமான QBE சேகரித்த தரவுகளின்படி, 2025-ஆம் ஆண்டில் லித்தியம்-அயன் பேட்டரிகளுடன் தொடர்புடைய 1,760 தீ விபத்துகளுக்குத் தீயணைப்புப் படைகள் அழைக்கப்பட்டன. 

இது ஒரு நாளைக்கு 4.8 தீ விபத்துகளுக்குச் சமமாகும். இது கடந்த மூன்று ஆண்டுகளில் 147% அதிகரிப்பாகும். அதே காலகட்டத்தில் மின்சார வாகனத் தீ விபத்துகள் 133% அதிகரித்துள்ளன, அதே நேரத்தில் ஐக்கிய இராச்சியத்தின் சாலைகளில் உள்ள மின்சார வாகனங்களின் எண்ணிக்கை அந்த காலகட்டத்தில் மும்மடங்காகியுள்ளது.

தேசிய அளவில் நிகழும் அனைத்து லித்தியம்-அயன் பேட்டரி தீ விபத்துக்களில் கிட்டத்தட்ட மூன்றில் ஒரு பங்கு இ-பைக் தீ விபத்துக்கள் என்பதை QBE ஆராய்ச்சியாளர்கள் கண்டறிந்தனர். 

மேலும், சான்றளிக்கப்பட்ட மாடல்களுடன் ஒப்பிடும்போது, ​​மாற்றியமைக்கப்பட்ட மற்றும் மாற்றியமைக்கப்பட்ட இ-பைக்குகள் விகிதாசாரத்திற்கு அதிகமாக சம்பந்தப்பட்டிருப்பதாகவும் அவர்கள் குறிப்பிட்டனர். 2022-ல் 149 ஆக இருந்த இ-பைக்குகள் சம்பந்தப்பட்ட தீ விபத்துக்களுக்கான அழைப்புகளின் எண்ணிக்கை, 2025-ல் 520 ஆக உயர்ந்தது. இவற்றில் 44%-ஐ லண்டன் தீயணைப்புப் படை (LFB) கையாண்டது.

 கடந்த ஆண்டு தலைநகரில் 230 இ-பைக் தீ விபத்துக்கள் நிகழ்ந்தன, மேலும் கடந்த மூன்று ஆண்டுகளில் இது தொடர்பான ஐந்து உயிரிழப்புகளும் ஏற்பட்டன. LFB-யின் தடுப்புப் பிரிவு துணை ஆணையர் ஸ்பென்சர் சட்க்ளிஃப், இ-பைக் மற்றும் இ-ஸ்கூட்டர் தீ விபத்துக்கள் குறித்து தீயணைப்புப் படை "மிகுந்த கவலை" கொண்டுள்ளதாகவும், பொது விழிப்புணர்வு மிகவும் அவசியம் என்றும் கூறினார். 

"ஒழுங்குமுறையானது தயாரிப்புப் பாதுகாப்பை மேம்படுத்தவும், இ-பைக் பேட்டரிகள், சார்ஜர்கள் மற்றும் மாற்று கருவிகள் போன்ற குறைபாடுள்ள அல்லது போலியான தயாரிப்புகளுக்கு நுகர்வோர் ஆன்லைன் சந்தைகளில் ஆளாகும் வாய்ப்பைக் குறைக்கவும் உதவும் என்று நாங்கள் நம்புகிறோம்," என்று அவர் கூறினார். 

கிளாஸ்கோவில் உள்ள ஒரு வரலாற்றுச் சிறப்புமிக்க கட்டிடத்தை நாசமாக்கியதும், ஸ்காட்லாந்தின் மிகப்பெரிய ரயில் நிலையமான சென்ட்ரல் ஸ்டேஷனை இரண்டு வாரங்களுக்கு மூட வைத்ததுமான தீ விபத்து, லித்தியம்-அயன் பேட்டரிகளால் இயங்கும் வேப்களை விற்கும் ஒரு கடையில் தொடங்கியதாக நம்பப்படுகிறது. 

தவறாகப் பயன்படுத்தப்பட்டாலோ அல்லது சேதமடைந்தாலோ, இந்த பேட்டரிகள் 'தெர்மல் ரன்அவே' எனப்படும் ஒரு அபாயத்தை ஏற்படுத்தக்கூடும். இது ஒரு அபாயகரமான தொடர் வினையாகும், இதில் பேட்டரியின் உள்ளே வெப்பநிலை கட்டுப்பாடின்றி உயர்ந்து, ஒரு நச்சு வாயுவை உருவாக்குகிறது.

 அந்த வாயு அதிக அழுத்தத்தில் வெளியேறி, ஊதுவிளக்கு போன்ற சுடரை உருவாக்கி, வெடிக்கிறது. இங்கிலாந்து, வேல்ஸ், ஸ்காட்லாந்து மற்றும் வடக்கு அயர்லாந்து முழுவதும் தொடர்பு கொள்ளப்பட்ட 52 தீயணைப்புப் படைகளில் 46 படைகளிடமிருந்து பெறப்பட்ட தரவுகளைத் தொகுத்ததில், அனைத்து லித்தியம்-அயன் தீ விபத்துகளில் கிட்டத்தட்ட பாதி (46%) மக்களின் வீடுகளில் நிகழ்ந்தன என்பதையும் QBE ஆராய்ச்சியாளர்கள் கண்டறிந்தனர்.

இந்த பேட்டரிகளை தவறான முறையில் அப்புறப்படுத்துவதால் - இவற்றை சாதாரண குப்பைத் தொட்டியில் வீசக்கூடாது, ஆனால் பல பல்பொருள் அங்காடிகளில் உள்ள தொட்டிகள் மூலம் மறுசுழற்சி செய்யலாம் - இங்கிலாந்து முழுவதும் குப்பை லாரிகளிலும் மறுசுழற்சி ஆலைகளிலும் கடுமையான தீ விபத்துகள் ஏற்படுகின்றன. 

இதன் வருடாந்திர செலவு £1 பில்லியனுக்கும் அதிகமாக இருக்கும் என மதிப்பிடப்பட்டுள்ளது. மேலும், இது ஊழியர்களுக்கு காயங்களையும் ஏற்படுத்துகிறது. QBE இன்சூரன்ஸ் நிறுவனத்தின் இடர் மேலாளரான ஏட்ரியன் சிம்மண்ட்ஸ், அதிகரித்து வரும் இந்த அபாயத்தை நிர்வகிக்க தனிநபர்களும் வணிக நிறுவனங்களும் நடவடிக்கை எடுக்க வேண்டும் என்று வலியுறுத்தினார். 

 "இந்த வகை பேட்டரிகளால் ஏற்படும் வெப்பத் தப்பித்தல் (Thermal runaway) வித்தியாசமாக எரிகிறது, இதைச் சமாளிக்க அதிக நேரம் எடுக்கும், மேலும் இதைக் கட்டுப்படுத்த 10 மடங்கு அதிக தண்ணீர் தேவைப்படலாம்," என்று அவர் கூறினார். 

"பாதுகாப்பான மின்னேற்றம், சேமிப்பு மற்றும் அப்புறப்படுத்துதல் குறித்த விழிப்புணர்வு, மக்களையும் சொத்துக்களையும் பாதுகாப்பாக வைத்திருக்க அவசியம். மக்கள் சான்றளிக்கப்பட்ட மின்சார பைக்குகள் மற்றும் பேட்டரிகளை மட்டுமே பயன்படுத்த வேண்டும், தப்பிக்கும் வழிகளிலிருந்து விலகி அவற்றை மின்னேற்றம் செய்ய வேண்டும், 

மேலும் இரவு முழுவதும் பொருட்களை மின்னேற்றம் செய்வதைத் தவிர்க்க வேண்டும்." தேசிய தீயணைப்புத் தலைவர்கள் கவுன்சிலின் (NFCC) செய்தித் தொடர்பாளர் ஒருவர், இந்த கண்டுபிடிப்புகள் தீயணைப்பு மற்றும் மீட்பு சேவைகள் களத்தில் காண்பவற்றைப் பிரதிபலிப்பதாகக் கூறினார்.

மலையகம் தொடர்ந்து மூடப்படும் சில பாடசாலைகள்...!

தெனியாய கல்வி வலயத்துக்குட்பட்ட நான்கு பாடசாலைகளை தொடர்ந்தும் மூடி வைப்பதற்குத் தீர்மானிக்கப்பட்டுள்ளது. பாடசாலை மாணவர்களிடையே வேகமாகப் பரவி வரும் காய்ச்சல் நிலைமை காரணமாக இந்த நடவடிக்கை எடுக்கப்பட்டுள்ளது. குறித்த விடயத்தை தெனியாய வலயக் கல்விப் பணிப்பாளர் நிஷாகா ஹெட்டிகொட தெரிவித்துள்ளார்.

சுகாதார அதிகாரிகளின் பரிந்துரைக்கமைய நோய் பரவலைக் கட்டுப்படுத்தும் ஒரு நடவடிக்கையாக இந்தத் தீர்மானம் எடுக்கப்பட்டதாக தெனியாய வலயக் கல்விப் பணிப்பாளர் குறிப்பிட்டுள்ளார். அதற்கமைய, தெனியாய மத்திய கல்லூரி, தெனியாய ராஜபக்ச மகா வித்தியாலயம், தெனியாய புனித மத்தேயு இரு மொழிக் கல்லூரி மற்றும் பல்லேகம சித்தார்த்த வித்தியாலயம் ஆகியவை இன்று மற்றும் நாளை மூடப்பட்டிருக்கும் என என அவர் தெரிவித்துள்ளார். 

 இந்த நான்கு பாடசாலைகளும் 7 மற்றும் 8 ஆம் திகதிகளிலும் நோய் காரணமாக தற்காலிகமாக மூடப்பட்டிருந்தமை குறிப்பிடத்தக்கது. பாடசாலை மாணவர்களிடையே நோய் பரவுவது குறித்து சந்தேகம் கொண்டுள்ள சுகாதார அதிகாரிகள், இது Meningitis எனப்படும் மூளைக்காய்ச்சல் மூளைக் காய்ச்சலாக இருக்கலாம் என்று சுட்டிக்காட்டப்பட்டுள்ளது. 

 அதிக காய்ச்சல், கடுமையான தலைவலி அல்லது வாந்தி போன்ற அறிகுறிகள் தென்பட்டால், தங்கள் பிள்ளைகளை எவ்வித தாமதமுமின்றி உடனடி மருத்துவ சிகிச்சைக்கு அனுப்புமாறு பெற்றோர்களுக்கு சிறப்பு அறிவுறுத்தல்களும் வழங்கப்பட்டுள்ளன

தமிழகத்தின் 17-வது சட்டசபையின் முதல் கூட்டம் தொடங்கியது.

தமிழக அரசியல் வரலாற்றில் இதுவரை கண்டிராத ஒரு புதிய திருப்பமாக, சட்டப்பேரவையின் எதிர்க்கட்சி வரிசையில் திமுக மற்றும் அதிமுக உறுப்பினர்கள் அருகருகே அமர்ந்திருந்தது அனைவரது கவனத்தையும் ஈர்த்துள்ளது. தமிழகத்தில் 1967-ல் திமுக-வும், 1977-ல் அதிமுக-வும் முதன்முறையாக ஆட்சிப் பொறுப்பேற்றன. 

அன்று முதல் சுமார் 50 ஆண்டுகளுக்கும் மேலாக இரு கட்சிகளும் மாறி மாறி ஆளுங்கட்சியாகவும், பிரதான எதிர்க்கட்சியாகவும் மட்டுமே இருந்து வந்துள்ளன. ஆனால், 2026 சட்டப்பேரவைத் தேர்தல் முடிவுகளுக்குப் பிறகு, புதிய அரசியல் சூழலில் இன்று இந்த இரு கட்சிகளும் எதிர்க்கட்சியாக, ஒரே வரிசையில் அமரும் நிலை ஏற்பட்டுள்ளது. 

அதிமுக் தொடர்ந்து இரண்டாவது முறையாக எதிர்க்கட்சி வரிசையில் அமர்வதும் இதுவே முதல்முறை ஆகும். மேலும், ஆளுங்கட்சி இருக்கைகளில் புதிய முகங்களும், நீண்டகாலம் ஆட்சி செய்த பாரம்பரியக் கட்சிகள் இரண்டும் எதிர்க்கட்சி வரிசையிலும் அமர்ந்திருப்பது தமிழக தேர்தல் வரலாற்றின் மிகப்பெரிய மாற்றமாக கருதப்படுகிறது.

புதிதாக தேர்ந்தெடுக்கப்பட்ட எம்எல்ஏக்களுக்கு தற்காலிக சபாநாயகர் கருப்பையா பதவிப்பிரமாணம் செய்து வைத்தார்.அதன் பிறகு எம்.எல்.ஏ.வாக பதவி ஏற்றதற்கான பதிவேட்டில் விஜய் கையெழுத்திட்டார்.

சென்னை தலைமைச் செயலகத்தில் உள்ள முதல்வர் நாற்காலியில் விஜய்!!

சென்னை தலைமைச் செயலகத்தில் உள்ள முதல்வர் நாற்காலியில் விஜய் அமர்ந்து அலுவல்களை தொடங்கினார். தமிழ்நாடு முதலமைச்சராக பதவியேற்ற விஜய் தலைமை செயலகம் சென்றடைந்தார்.காவலர்களின் அணிவகுப்பு மரியாதையை ஏற்றார் முதல்வர் விஜய். தற்காலிக சபாநாயகருக்கான உத்தரவில் கையெழுத்திட்டார். 

தற்காலிக சபாநாயகரை நியமனம் செய்து முதலமைச்சர் கையெழுத்திட்டார். தமிழ்நாடு சட்டப்பேரவை நாளை காலை 9.30 மணிக்கு கூடுகிறது. தற்காலிக சபாநாயகராக நியமிக்கப்பட்டுள்ள சோழவந்தான் எம்.எல்.ஏ. கருப்பையா முன்னிலையில் புதிதாக தேர்வாகியுள்ள எம்.எல்.ஏ.க்கள் பதவியேற்க உள்ளனர்.

 மே.12ம் தேதி புதிய சபாநாயகர் தேர்வு செய்யப்பட்டு, பின்னர் புதிய அரசு பெரும்பான்மையை நிரூபிக்கும்.புதிதாகத் தேர்ந்தெடுக்கப்பட்ட அனைத்து சட்டமன்ற உறுப்பினர்களும் (MLAs) நாளை பதவிப்பிரமாணம் செய்து கொள்கின்றனர். 

தமிழக வெற்றிக் கழகத் (TVK) தலைவர் விஜய், வரும் மே 13-ஆம் தேதிக்குள் சட்டப்பேரவையில் தனது பெரும்பான்மையை நிரூபிக்க வேண்டும் என்று ஆளுநர் உத்தரவிட்டுள்ளார். 

உறுப்பினர்கள் பதவியேற்ற பிறகு, புதிய சபாநாயகரைத் தேர்ந்தெடுப்பதற்கான நடவடிக்கைகள் மேற்கொள்ளப்படும். 2026 தேர்தலில் வெற்றி பெற்ற புதிய எம்.எல்.ஏ-க்களின் முதல் கூட்டம் என்பதால் இது மிகுந்த எதிர்பார்ப்பை ஏற்படுத்தியுள்ளது.

மறைந்த முன்னாள் முதலமைச்சர் எம்.ஜி.ஆர் காலத்திற்குப் பிறகு 1987-லும், ஜெயலலிதா மறைவுக்குப் பிறகு 2017-லும் அதிமுக சந்தித்த பிளவு போன்றதொரு சூழல் தற்போது மீண்டும் உருவாகியுள்ளது. 

அதிமுகவின் மொத்தமுள்ள 47 சட்டமன்ற உறுப்பினர்களில், மூன்றில் இரண்டு பங்கிற்கும் அதிகமானோர் (35 பேர்) தவெகவுக்கு ஆதரவு தெரிவிக்க முன்வந்துள்ளதாகத் தகவல்கள் வெளியாகியுள்ளன. 

இந்த 35 எம்.எல்.ஏ.க்களின் ஆதரவுக் கடிதங்களையும் கவர்னரிடம் சமர்ப்பிக்க உள்ளதாக தகவல்கள் வெளியாகியுள்ளன. இதனால் தமிழக அரசியல் களம் நொடிக்கு நொடி எதிர்ப்பார்ப்பை ஏற்படுத்தி வருகிறது. 

ஏற்கெனவே காங்கிரஸ் மற்றும் இடதுசாரிகளின் ஆதரவுடன் 118 என்ற மேஜிக் எண்ணை எட்டிவிட்ட நிலையில், தற்போது கூடுதலாக 35 அதிமுக உறுப்பினர்களின் ஆதரவும் கிடைத்தால் விஜய்யின் பலம் சட்டசபையில் அசுர வேகத்தில் உயரும் என கூறப்படுகிறது.

விஐய் அவர்களுக்கு எமது தமிழிழ மக்கள் சார்பில் வாழ்த்துக்கள்!!