உலகை ஆளும் வர்க்கத்தின் இந்தத் திட்டமிட்ட சதிகளையும், வரவிருக்கும் செயற்கையான உணவுத் தட்டுப்பாட்டின் உண்மைத்தன்மையை விரிவாகப் பார்ப்போம்.
கடந்த வாரம் IMF (சர்வதேச நாணய நிதியம்), உலக வங்கி மற்றும் பிற உலகளாவிய குழுக்களுக்கு இடையே நடைபெற்ற மாநாட்டில், எதிர்காலத்தில் வரவிருக்கும் பாரிய உணவு நெருக்கடி குறித்து விவாதிக்கப்பட்டது.
ஆனால், இந்த முக்கியச் செய்தி முக்கிய ஊடகங்களின் கவனத்திற்கு வராமல் திட்டமிட்டு மறைக்கப்பட்டது.
ஈரான் மீதான போரின் தொடர்ச்சியாக, உலகளாவிய யூரியாவில் மூன்றில் ஒரு பங்கும், Ammonia phosphateம், phosphate ற்கு அவசியமான 45% Sulphur ம் செல்லும் ஹோர்முஸ் ஜலசந்தி மூடப்பட்டுள்ளது. இதனால் உரங்களின் விலை 60% வரை தாறுமாறாக உயர்ந்துள்ளது.
அடுத்தாக Bab el-Mandebஜலசந்தி.
இது செங்கடலையும் (Red Sea) இந்தியப் பெருங்கடலையும் (Aden வளைகுடா வழியாக) இணைக்கும் மிகவும் முக்கியமான ஒரு கடல் வழித்தடமாகும்.
உலகளாவிய வர்த்தகம், குறிப்பாக எரிபொருள்/எண்ணெய் மற்றும் உரங்கள் ஐரோப்பாவிற்குச் செல்வதற்கு இது ஒரு மிக முக்கியமான 'உயிர்நாடி' (Lifeline) போன்றது.
செங்கடலை ஒட்டியுள்ள யேமன் நாட்டில் உள்ள ஹூதி (Houthis) கிளர்ச்சியாளர்களுக்கும், சவுதி அரேபியா தலைமையிலான கூட்டணிகளுக்கும் இடையே நீண்ட காலமாக போர் நடந்து வருகிறது.
இந்த மோதல்களால் அப்பகுதியில் கப்பல் போக்குவரத்து கடுமையாகப் பாதிக்கப்பட்டுள்ளது; இதன் விளைவாக இந்த மிக முக்கியமான வர்த்தகப் பாதையும் துண்டிக்கப்பட்டுள்ளது.
பாப் எல்-மந்தேப் ஜலசந்தி முடக்கப்படுவதால், உலக அளவில் எரிசக்தி (Energy - எண்ணெய், எரிவாயு) மற்றும் உரங்களின் (Fertilizers) விநியோகம் முற்றிலுமாகத் தடைபடுகிறது.
உரம் தடைபட்டால் விவசாயம் அழிந்து, அது பிற்காலத்தில் கடுமையான உணவுப் பஞ்சத்திற்கு வழிவகுக்கும்.
எனவே, இங்கிலாந்து உள்ளிட்ட வல்லரசு நாடுகள் சவுதி அரேபியாவுடன் இணைந்து ஹூதிகளுக்கு எதிராகத் தங்களது ராணுவத்தை களமிறக்குவதன் உண்மையான நோக்கம், பயங்கரவாதத்தை எதிர்ப்பது மட்டுமல்ல; மாறாக, தங்கள் நாட்டிற்கான ஆற்றல் மற்றும் விவசாய உரங்களின் விநியோக வழிகளைப் பாதுகாத்து, வரவிருக்கும் பேரழிவுப் பஞ்சத்தில் இருந்து தங்களைத் தற்காத்துக் கொள்வது மட்டுமே ஆகும்.
விவசாயத்தில் உரம் (Fertilizer) என்பது இன்றியமையாத ஒரு மூலப்பொருள்.
நாம் நிலத்தில் உரத்தைப் போட்டால் தான் பயிர்கள் செழித்து வளர்ந்து நல்ல விளைச்சல் தரும்.
ஆனால், இன்று உர விநியோகம் தடைபட்டு அதன் விலை கடுமையாக உயர்ந்தாலும், அதன் தாக்கம் உடனடியாகத் தெரிவதில்லை. அதாவது, தற்போதைய விளைச்சலில் அதன் பாதிப்பு உடனே வெளிப்படாது; அதற்குக் கால அவகாசம் தேவைப்படுகிறது.
இந்த ஆண்டில் உணவுப் பற்றாக்குறை அல்லது நெருக்கடி இருப்பதாகச் செய்திகள் வந்தாலும், மக்கள் "நிலைமை பரவாயில்லை, உணவு கிடைக்கிறதே" என்று நினைக்கிறார்கள். பல ஆய்வாளர்களும் 2026-ன் தற்காலிக நிலையை மட்டும் பார்த்துவிட்டு, "நிலைமை அவர்கள் நினைப்பது போல் மோசமாக இல்லை" என்று தவறாகக் கணக்கிடுகிறார்கள்.
ஆனால் உண்மை என்னவென்றால், கடந்த காலங்களில் (குறிப்பாகப் போர்கள் மற்றும் ஜலசந்தி முடக்கங்களால்) அடிபட்டுப்போன உரங்கள் இன்னும் முழுமையாக விவசாய நிலங்களைச் சென்றடையவில்லை.
அந்த உரங்களின் பற்றாக்குறையின் முழுமையான கோரமுகம் 2027 ஆம் ஆண்டு நடக்கும் அறுவடைக் காலத்தில்தான் வெளிப்படும்.
வெளித்தோற்றத்திற்கு இப்போது நிலைமை சாதாரணமாகத் தெரிவது போல் இருந்தாலும் உண்மையான பேரழிவு 2027-ல் பயிர் விளைச்சல் கடுமையாகப் பாதிக்கப்பட்டு, உலக அளவில் பாரிய உணவுப் பஞ்சம் வெடிக்கும் போது தெரியும்.
அதுமட்டுமல்ல, உலகிற்குத் தேவையான கோதுமை, சோளம் மற்றும் சூரியகாந்தி எண்ணெய் விநியோகத்தில் பெரும்பங்கு வகித்த உக்ரைன் மற்றும் ரஷ்யாவின் ஏற்றுமதிகள் போரினால் கடுமையாகப் பாதிக்கப்பட்டுள்ளன.
“Breadbasket of the World” என உக்ரைன் மற்றும் ரஷ்யா ஆகிய இரு நாடுகளும் உலகின் விவசாயப் பேரரசுகள் என அழைக்கப்படுகின்றன.
உலகிற்குத் தேவையான கோதுமை, சோளம் (Corn), மற்றும் சூரியகாந்தி எண்ணெய் (Sunflower oil) ஆகியவற்றின் பெரும்பகுதியை இந்த நாடுகள்தான் ஏற்றுமதி செய்கின்றன.
போருக்கு முன்பு உலகளாவிய சோளத்தில் 15%, கோதுமையில் 10%, மற்றும் சூரியகாந்தி எண்ணெயில் 50% உக்ரைன் மட்டுமே வழங்கி வந்தது. அதேபோல், உலகின் ஒட்டுமொத்த கோதுமை மற்றும் தானியத் தேவையில் சுமார் 20% ரஷ்யாவால் வழங்கப்பட்டது.
உக்ரைன் மீதான போரினால், கருங்கடல் (Black Sea) வழியாகச் செல்ல வேண்டிய கப்பல் போக்குவரத்து மற்றும் முக்கிய துறைமுகங்கள் கடுமையாகத் தாக்கப்பட்டு முடக்கப்பட்டுள்ளன.
இதனால் உக்ரைனால் தனது தானியங்களை வெளிநாடுகளுக்குக் கொண்டு செல்ல முடியவில்லை.
மறுபுறம், ரஷ்யா மீதான பொருளாதாரத் தடைகள் மற்றும் போரின் தாக்கம் காரணமாக, அதன் தானிய ஏற்றுமதியும் மேலும் 75% வரை சரிந்துள்ளது.
போரினால் பாதிக்கப்பட்ட இந்தப் பகுதிகளிலிருந்து சுமார் 30 மில்லியன் Tons அவசியமான தானியங்கள் இந்த ஆண்டு உலக சந்தைக்கு வர முடியாமல் முடக்கப்பட்டுள்ளன.
இவ்வளவு பெரிய அளவிலான உணவுப் பொருட்கள் சர்வதேச சந்தைக்கு வராமல் போவது, உலக அளவில் உணவுத் தட்டுப்பாட்டையும், தாறுமாறான விலை உயர்வையும் உருவாக்கும்.
இவை எல்லாவற்றிற்கும் மேலாக உணவு நெருக்கடி என்பது இயற்கையானது அல்ல; இது உலகை ஆளும் வர்க்கத்தால் வேண்டுமென்றே உருவாக்கப்படுகிறது என்பதற்கான முக்கிய சான்று CBAM (Carbon Border Adjustment Mechanism) என்ற விவசாயத்தை முடக்கும் சதி.
CBAM (Carbon Border Adjustment Mechanism) என்றால் என்ன?
ஐரோப்பிய யூனியன் (EU) கொண்டுவந்துள்ள இந்த Carbon Border Adjustment Mechanism (CBAM) என்பது, இறக்குமதி செய்யப்படும் பொருட்களின் உற்பத்தி முறையில் வெளிவரும் கார்பன் வெளியேற்றத்திற்கு வரி விதிக்கும் ஒரு சட்டமாகும்.
இந்த வரியின் எல்லைக்குள் விவசாயமும் விவசாயத்திற்கு அடிப்படையான உர உற்பத்தியும் கொண்டுவரப்பட்டுள்ளன. விவசாயத்தை "கார்பன் மாசுபடுத்தும் ஒரு தொழில்" (Carbon polluting industry) என்று முத்திரை குத்தி, அதற்குத் தண்டனைக்குரிய வரிகளை விதிக்க ஐரோப்பிய நாடுகள் திட்டமிட்டுள்ளன.
உலக அளவில் ஏற்கனவே போர்கள் மற்றும் ஜலசந்தி முடக்கங்களால் உரத் தட்டுப்பாடு நிலவும் சூழலில், அரசாங்கங்கள் உரங்கள் மீது கூடுதல் வரிகளை விதிப்பதன் மூலம் விவசாயிகள் அவற்றை வாங்க முடியாத நிலைக்குத் தள்ளப்படுகிறார்கள்.
விவசாயிகள் போதுமான உரங்களைப் பயன்படுத்த முடியாதபோது, நிலத்தின் உரம் மற்றும் சத்து குறைந்து, பயிர் விளைச்சல் பெருமளவில் வீழ்ச்சியடையும்.
விவசாயத்திற்கு அவசியமான உரங்களை விலை உயர்த்தியோ அல்லது கூடுதல் வரிகள் விதித்தோ தடை செய்வது, நேரடியாக உணவு உற்பத்தியைக் குறைக்கும் செயலாகும்.
இயற்கையான முறையில் அதிக உணவை உற்பத்தி செய்ய வேண்டிய காலகட்டத்தில், சுற்றுச்சூழல் பாதுகாப்பு என்ற முகமூடியை அணிந்துகொண்டு, உணவு உற்பத்தியைக் கட்டுப்படுத்துவதும், செயற்கையான பற்றாக்குறையை உருவாக்குவதும் உலகை ஆளும் வர்க்கத்தின் நீண்டகாலத் திட்டமாகும்.
குறைந்த உணவே சந்தைக்கு வரும்போது, விலை விண்ணைத் தொடும்; இதன் மூலம் பெரும்பான்மையான மக்களைப் பொருளாதார ரீதியாக முடக்கி, தங்களது கட்டுப்பாட்டுக்குள் கொண்டுவருவதே இந்தத் திட்டத்தின் பிரதான நோக்கமாகும்.
பருவநிலை மாற்றத்தின் பெயரால் கொண்டுவரப்படும் இந்த CBAM போன்ற வரிக் கொள்கைகளும் சட்டங்களும் இயற்கையைக் காப்பாற்றுவதற்காக அல்ல,
மாறாக, மனிதகுலத்தின் உணவுச் சங்கிலியை திட்டமிட்டு அழித்து, உலகளாவிய உணவு நெருக்கடியை செயற்கையாக உருவாக்குவதற்கான ஒரு கமுக்கமான வியூகமே என்பதை இந்தத் தரவுகள் தெளிவாக உணர்த்துகின்றன!
உணவின் விலை உயர்ந்துகொண்டே செல்லும் அதேவேளை, வளர்ந்து வரும் நாடுகளின் ஊதியங்கள் உயரவில்லை. 2022 ஆம் ஆண்டிலேயே 122 மில்லியன் மக்கள் கூடுதலாக கடுமையான பசிக்குத் தள்ளப்பட்டனர்.
இந்த நிலைமை இப்போது மேலும் மோசமாகி வருகிறது.
Super El Niño மற்றும் பருவநிலைத் தாக்கங்களால் தொடர் வறட்சி, தீவிர வானிலை மாற்றங்கள் மற்றும் உலகப் போர் பற்றிய தொடர்ச்சியான அச்சம் ஆகியவை மக்களை உளவியல் ரீதியாக முடக்கி, எதையும் எதிர்க்கும் திராணியற்றவர்களாக மாற்றுகின்றன.
சமீபகாலமாகப் பிரித்தானிய அரசாங்கம் உட்பட பல வல்லரசு நாடுகளின் அரசுகள், தங்கள் நாட்டு மக்களை முன்கூட்டியே எச்சரித்து வருகின்றன.
அதாவது, "குடிமக்கள் அனைவரும் தங்களது வீடுகளில் குறைந்தது மூன்று நாட்களுக்குத் தேவையான உணவுப் பொருட்களையும், ஒரு நபருக்கு ஒரு நாளைக்கு 3 லிட்டர் வீதம் குடிநீரையும் கையிருப்பில் வைத்துக் கொள்ள வேண்டும்" என்று அவசரமாக அறிவுறுத்துகின்றன.
இந்த எச்சரிக்கைகளுக்குக் காரணமாக அரசுகள் கூறுவது என்னவென்றால்:
ரஷ்யாவுக்கும் மேற்கத்திய நாடுகளுக்கும் இடையே நேரடி ராணுவ மோதல் (World War III / European War) வெடிக்க வாய்ப்புள்ளது என்கிறது அரசுகள்.
மறுபுறம், ரஷ்யத் தரப்பு அதிகாரப்பூர்வமாகத் தாங்கள் பிரிட்டனைத் தாக்குவதற்கான எந்தத் திட்டமும் வைத்திருக்கவில்லை என்றும், தங்களுக்குப் பிரிட்டனுடன் போர் புரியும் எண்ணம் இல்லை என்றும் திட்டவட்டமாக மறுத்து வருகிறது.
இத்தகைய சூழலில் ஒரு நியாயமான கேள்வி எழுகிறது: "ரஷ்யா தாக்கும் எண்ணமே இல்லை என்று தெளிவாகக் கூறும் போது, பிரிட்டன் அரசாங்கம் மட்டும் ஏன் தொடர்ந்து மக்களைப் போர்ப் பீதியிலும் அவசரநிலையிலும் வைத்திருக்கிறது?
"
இந்த முரண்பாட்டை ஆராயும் போதுதான், இது ஏதோ தற்செயலான நிகழ்வு அல்ல மாறாக பிரிட்டன் உள்ளிட்ட அரசாங்கங்களே வேண்டுமென்று ஒரு உணவுப் பஞ்சத்தை வரவழைக்கப் போகின்றனரோ என்ற ஆழ்ந்த சந்தேகம் வலுப்பெறுகிறது.
இதற்குப் பின்னால் இருக்கும் காரணங்களை நீங்கள் அறிந்திருக்க வேண்டும்.
முதலாவது , மக்களிடையே திட்டமிட்ட பயத்தை உருவாக்குதல் (Fear Campaign)
அரசுகள் தாங்களாகவே phobia வையும் (War Fear) உணவுத் தட்டுப்பாடு குறித்த பீதியையும் மக்களிடையே விதைக்கின்றன.
மக்கள் எப்போதுமே பயத்திலும் பாதுகாப்பற்ற நிலையிலும் இருக்கும்போது, அரசாங்கம் எத்தகைய கடுமையான வரிகளைக் கொண்டுவந்தாலும், மக்களின் உரிமைகளைப் பறித்தாலும், அல்லது கடுமையான பொருளாதாரக் கட்டுப்பாடுகளை விதித்தாலும், மக்கள் அதை எதிர்த்துப் போராடாமல் அமைதியாக ஏற்றுக்கொள்வார்கள்.
வெளிப்படையாகப் "போர் ஆபத்து" என்று கூறிக்கொண்டு, திரைக்குப் பின்னால் விவசாயத்திற்கு அவசியமான உரங்கள் மீது கடுமையான வரிகளை விதிப்பது (உதாரணமாக CBAM சட்டங்கள்), விவசாய உற்பத்தியைக் கட்டுப்படுத்துவது போன்ற செயல்களில் அரசாங்கங்களே இறங்கியுள்ளன. வெளிநாட்டு எதிரிகளால் அல்ல,
மாறாக அரசாங்கங்களின் தவறான மற்றும் முரண்பாடான கொள்கைகளால்தான் உண்மையான உணவுப் பஞ்சம் உருவாக்கப்படுகிறது.
மக்களை மூன்று நாட்களுக்கு மட்டும் உணவைச் சேமிக்கச் சொல்வது ஒரு ஏமாற்று வேலை.
உண்மையான பேரழிவு 2027-ல் வெடிக்கும் போது, இந்த மூன்று நாள் சேமிப்பு எந்த வகையிலும் உதவாது.
இதன் உண்மையான நோக்கம், மக்களிடம் உணவுத் தட்டுப்பாடு குறித்த உளவியல் பயத்தை ஏற்படுத்திவிட்டு, ஒட்டுமொத்த உணவு மற்றும் விநியோகச் சங்கிலியை அரசாங்கத்தின் மற்றும் உலகை ஆளும் வர்க்கத்தின் முழுமையான கட்டுப்பாட்டின் கீழ் கொண்டுவருவதே ஆகும்.
ஐக்கிய நாடுகள் சபை, உலக உணவுத் திட்டம் (WFP), மற்றும் உணவு மற்றும் விவசாய அமைப்பு (FAO) ஆகியவை உலகளாவிய பசி வரலாறு காணாத அளவை எட்டியுள்ளதாகவும், 2026-ன் இறுதியிலும் 2027-ன் தொடக்கத்திலும் கடுமையான பஞ்சம் காத்திருப்பதாகவும் எச்சரித்துள்ளன.
இந்த நெருக்கடி உலகம் முழுவதும் சமமாகப் பாதிக்காது.
செல்வந்த நாடுகள் ஓரளவிற்குச் சமாளித்தாலும், ஏழை நாடுகளில் கொடூரமான பஞ்சமும், அதைத் தொடர்ந்து வன்முறைகளும் கலகங்களும் வெடிக்கும்.
இந்த பஞ்சத்தால் பெருமளவு உயிர்கள் பலியாக நேரிடும். இது Depopulation agenda வின் இன்னொரு வடிவமே.
இது நம்பிக்கையோ அல்லது உணர்ச்சிகளோ சம்பந்தப்பட்ட விஷயமல்ல; இது முற்றிலும் கணிதம், பொருளாதாரம் மற்றும் புள்ளிவிவரங்களின் அடிப்படையிலான யதார்த்தம்.
உலகை ஆளும் வர்க்கத்தின் திட்டமிட்ட சதிகளால் உருவாகும் இந்த உணவுப் பற்றாக்குறையை எதிர்கொள்ள, மக்கள் எதையும் பார்த்துக்கொண்டிருக்காமல் உடனடியாகத் தயாராக வேண்டும்.
நீண்ட நாட்கள் கெட்டுப்போகாத உலர் உணவுகள் (Dry foods) மற்றும் கேன் செய்யப்பட்ட உணவுப் பொருட்களை இப்போதே சேமித்து வையுங்கள்.
இந்த விநியோகத் தட்டுப்பாடுகள் மற்றும் செயற்கை நெருக்கடிகள் குறித்து விழிப்புடன் இருந்து, உங்களையும் உங்கள் குடும்பத்தினரையும் பாதுகாத்துக் கொள்ளுங்கள்.
வரவிருக்கும் 2027-ம் ஆண்டு உணவுப் பற்றாக்குறையின் தாக்கம் தீவிரமாக இருக்கும் என்பதால் தாமதிக்காமல் இப்போதே உங்கள் முன்னெச்சரிக்கை நடவடிக்கைகளைத் தொடங்குங்கள்.
முகிந்தன் துரைராஜசிங்கம்
இது ஒரு முகப்புத்தகத்தின் பிரதியாக்கம்
