சவூதி அரேபியாவில் மரண தண்டனை விதிக்கப்பட்டிருந்த இலங்கையரான சிவராசா அனோஜன், அவருக்கு எதிரான அனைத்து வழக்கு நடவடிக்கைகளிலிருந்தும் விடுவிக்கப்பட்டுள்ளதாக வெளிவிவகார அமைச்சர் விஜித ஹேரத் தெரிவித்துள்ளார்.
அவர் ஓரிரு வாரங்களுக்குள் இலங்கைக்கு அழைத்து வரப்படுவார் என எதிர்பார்க்கப்படுவதாகவும் அமைச்சர் குறிப்பிட்டுள்ளார்.
வெளிவிவகார அமைச்சின் அறிக்கையின்படி, அனோஜனுக்கு எதிரான வழக்கைத் தொடர்ந்து முன்னெடுக்கப் போவதில்லை என சவூதி அரேபியாவின் அரச வழக்கறிஞர் அலுவலகம் நவம்பர் 9ஆம் திகதி தீர்மானித்துள்ளது.
இதனால், அவருக்கு எதிராக சவூதி நீதிமன்றத்தில் தற்போது எந்த வழக்கும் நிலுவையில் இல்லை என அமைச்சர் தெரிவித்துள்ளார்.
எனினும், அனோஜன் தற்போது சவூதி அரேபியாவில் காவலில் வைக்கப்பட்டுள்ள நிலையில், அவரை இலங்கைக்கு அழைத்து வருவதற்கான நடவடிக்கைகள் முன்னெடுக்கப்பட்டு வருகின்றன.
2026 செப்டம்பர் 17ஆம் திகதி, சமூக வலைத்தளமான ஃபேஸ்புக்கில் வெளியிடப்பட்ட அவதூறானதாகக் கருதப்பட்ட பதிவு தொடர்பான குற்றச்சாட்டின் அடிப்படையில், சவூதி அரேபியாவின் கிழக்கு பிராந்திய மேல்முறையீட்டு நீதிமன்றம் அனோஜனுக்கு மரண தண்டனை விதித்திருந்தது. இராஜதந்திரத் தலையீடுகளைத் தொடர்ந்து, ஒக்டோபர் 14ஆம் திகதி அந்த மரண தண்டனை இரத்து செய்யப்பட்டது.
அதனைத் தொடர்ந்து ஏனைய தண்டனைகளிலிருந்தும் அவரை விடுவிப்பதற்காக மேற்கொள்ளப்பட்ட முயற்சிகளின் பலனாக, தற்போது அவர் முழுமையாக விடுவிக்கப்பட்டுள்ளதாக வெளிவிவகார அமைச்சு தெரிவித்துள்ளது.
இன்று (நவம்பர் 11) வெளிவிவகார அமைச்சுக்கு வருகை தந்த அனோஜனின் குடும்பத்தினர், அவரது விடுதலைக்காக மேற்கொள்ளப்பட்ட முயற்சிகளுக்கு ஜனாதிபதி அநுர குமார திஸாநாயக்க, அமைச்சர் விஜித ஹேரத் மற்றும் சம்பந்தப்பட்ட அதிகாரிகளுக்கு நன்றி தெரிவித்துள்ளனர்.
இந்த விடுதலைக்காக சவூதி அரசாங்கம், அந்நாட்டு நீதித்துறை, இரு நாடுகளின் இராஜதந்திர அதிகாரிகள் மற்றும் சட்டத்தரணிகள் குழு வழங்கிய ஒத்துழைப்பையும் அமைச்சர் பாராட்டியுள்ளார்.
அனுராதபுரத்தில் இடம்பெற்று வந்த கஸ்ஸப்ப தேரர் தலைமையிலான உண்ணாவிரத போராட்டத்தில் அமைதியின்மை ஏற்பட்டுள்ளது.
இந்நிலையில் கஸ்ஸப்ப தேரர் தலைமையிலான குழுவினரை விரட்டியடிக்க பொதுமக்கள் திரண்டுள்ளனர்.
அத்துடன் கஸ்ஸப்ப தேரர் குழுவினரின் கூடாரங்களும் பொதுமக்களால் கழற்றி எரியப்பட்டுள்ளன.
குறித்த இடத்தில் அமைதியின்மை ஏற்பட்டதையடுத்து காவல்துறையினர் பாதுகாப்புக்காக குறித்த இடத்துக்கு வருகை தந்துள்ளனர்.இதன்போது அங்கு நிறுவப்பட்டிருந்த புத்தர் சிலையை பாதுகாப்புக்கருதி அகற்றும்படி காவல்துறையினர் கூறியபோது கஸ்ஸப்ப தேரர் காவல்துறையினருடன் தள்ளுமுள்ளில் ஈடுபட்டுள்ளார்.
அரசாங்கத்திற்கு ஆதரவு தெரிவிக்கும் ஒரு சில தேரர் உள்ளிட்ட குழுவினர் இன்று, கஸ்ஸப்ப தேரரின் உண்ணாவிரதப் போராட்டம் நடத்தப்படும் களத்திற்கு சென்று வாக்குவாதத்தில் ஈடுபட்ட நிலையில் அங்கு பதற்றமான சூழல் ஏற்பட்டுள்ளது.
இதன்போது போராட்டத்தை தொடர்ந்து முன்னெடுத்த கஸ்ஸப்ப தேரர் உள்ளிட்ட குழுவினர் பொதுமக்களால் கீழே தள்ளிவிடப்பட்டு அங்கு நிறுவப்பட்டிருந்த புத்தர் சிலையையும் எடுத்துச் சென்றுள்ளனர்.
இதன்போது கஸ்ஸப்ப தேரர் உள்ளி்ட்ட குழுவினரை அவ்விடத்திலிருந்து அகற்றும் முயற்சியில் காவல்துறையினரால் ஈடுபட்டுள்ளனர்.சாகும் வரையிலான உண்ணாவிரதப் போராட்டத்தில் ஈடுபட்டுள்ள பலாங்கொடை கஸ்ஸப தேரருக்கு கொழும்பு மாவட்ட குற்றத்தடுப்புப் பிரிவின் விசாரணை குழுவினர் அழைப்பானை விடுத்துள்ளனர்.
குறித்த அழைப்பானை நாளை (13.12.2026) விடுக்கப்பட்டுள்ளது.
கஸ்ஸப தேரர் நாளை கொழும்பு மாவட்ட குற்றத்தடுப்புப் பிரிவில் முன்னிலையாகி வாக்குமூலம் வழங்குமாறு அறிவிக்கப்பட்டுள்ளார்.
தென்காசி மாவட்டத்தின் விவசாய நிலங்களிலும் திறந்தவெளிகளிலும், அண்டை மாநிலமான கேரளாவிலிருந்து டன் கணக்கில் கொண்டுவரப்படும் அபாயகரமான மருத்துவ கழிவுகள் கொட்டப்பட்டு எரிக்கப்படும் அவலம் தொடர்கதையாகி வருகிறது.
இதற்கு பல்வேறு தரப்பினரும் கண்டனம் தெரிவித்து வரும் சூழலில் பாஜக மாநில தலைவர் நயினார் நாகேந்திரன் கடுமையாக கண்டனம் தெரிவித்து உள்ளார்.
இது தொடர்பாக கருத்து தெரிவித்துள்ள அவர், 'கேரள மாநில விற்பனைக்கு மட்டும்' என்று அச்சிடப்பட்ட பாட்டில்களும் நச்சுக் கழிவுகளும் கண்முன்னே ஆதாரமாகக் கிடந்தும், எல்லையோரச் சோதனைச் சாவடிகளைக் கண்காணிக்கத் திராணியின்றி விஜய்
தலைமையிலான தவெக அரசு கும்பகர்ண தூக்கத்தில் ஆழ்ந்துள்ளதாக் விமர்சித்து உள்ளார்.
இதேபோன்று ஒரு குண்டூசி அளவிலான கழிவுப் பொருளைக்கூடத் தமிழகத்திலிருந்து கொண்டுபோய்க் கேரள எல்லைக்குள் கொட்டிவிட முடியுமா? அங்கு அந்த அளவிற்குச் சோதனைகளும் கண்காணிப்பும் மிகக் கடுமையாக உள்ள சூழலில், அண்டை மாநிலத்தின் நச்சுக் கழிவுகளை இங்கு கொட்டும் அளவிற்குத் தமிழகக் காவல்துறையும், தவெக அரசும் இத்தனை அலட்சியமாக இருக்கிறதே என் வேதனை தெரிவித்து உள்ளார்.
தமிழகத்தைக் கேரளாவின் குப்பைத் தொட்டியாக மாற்றும் இந்த ஆட்சியில், இன்னும் என்னென்ன கூத்துகளும் அவலங்களும் அரங்கேறப் போகின்றனவோ தெரியவில்லை!
மெத்தனப் போக்கைக் கைவிட்டு, கேரள முதல்வரிடம் பேசி இந்த விவகாரத்திற்கு முதல்வர் திரு. ஜோசப் விஜய் உடனடியாக ஒரு முற்றுப்புள்ளி வைக்க வேண்டும்.
எல்லையோரச் சோதனைச் சாவடிகளில் கண்காணிப்பைத் தீவிரப்படுத்தி, கேரளக் கழிவுகளைத் தமிழகத்திற்குள் கடத்திவரும் வாகனங்களை உடனடியாகப் பறிமுதல் செய்வதோடு, மக்களின் சுகாதாரத்தோடு விளையாடும் சமூக விரோதிகள் மீது குண்டர் சட்டத்தின் கீழ் வழக்குப் பதிவு செய்து கடுமையான நடவடிக்கை எடுக்க வேண்டும் என நயினார் நாகேந்திரன் வலியுறுத்தி உள்ளார்.
ரஷ்யாவுடன் தொடர்பு இருப்பதாகக் கூறப்படும் மூத்த அமெரிக்க ராணுவ வீரரை பிரிட்டன் பயங்கரவாத எதிர்ப்புப் போலீசார் கைது செய்தனர்.‘உளவு பார்த்ததாகக் கூறப்படும்’ குற்றச்சாட்டுகள் தொடர்பான விசாரணையில், அமெரிக்க அதிகாரிகளுடன் இணைந்து செயல்பட்ட காவல்துறையினர், குளோசெஸ்டர் அருகே 41 வயது நபர் ஒருவரைக் கைது செய்துள்ளதாக எஃப்பிஐ (FBI) இயக்குநர் தெரிவித்துள்ளார்.
ரஷ்யாவுடன் தொடர்பு இருக்கலாம் என்று சந்தேகிக்கப்படும் அமெரிக்க ராணுவ வீரர் ஒருவரை, பிரிட்டனின் பயங்கரவாத எதிர்ப்புப் பிரிவு காவல்துறையினர் கைது செய்துள்ளனர்.
லண்டன் பயங்கரவாத எதிர்ப்புப் பிரிவு காவல்துறையின் தகவல்படி, 41 வயதான இந்த நபர், அமெரிக்க அதிகாரிகள், அமெரிக்க ராணுவம் மற்றும் எஃப்.பி.ஐ (FBI) ஆகியவற்றுடன் இணைந்து மேற்கொள்ளப்பட்ட விசாரணையின் ஒரு பகுதியாகக் கைது செய்யப்பட்டுள்ளார்.
இந்தக் குற்றச்சாட்டுகள் ஒரு "முதுநிலை ராணுவ வீரர்" (senior soldier) தொடர்பானவை என்று அமெரிக்க ராணுவத்தின் எதிர்-உளவுப் பிரிவு (counterintelligence command) தெரிவித்துள்ளது.
இந்த வீரர் குளோஸ்டர்ஷையரின் இன்ஸ்வொர்த்தில் உள்ள இம்ஜின் ராணுவ முகாமில் (Imjin barracks) பணியாற்றி வந்தார். இந்த முகாம், நேட்டோ (NATO) அமைப்பின் 'கூட்டணி விரைவு எதிர்வினை படைப்பிரிவின்' (Allied Rapid Reaction Corps) தலைமையகமாகச் செயல்படுகிறது.
தேசிய பாதுகாப்புச் சட்டத்தின் (National Security Act) பிரிவு 1 மற்றும் பிரிவு 3-ன் கீழ், வெளிநாட்டு உளவு அமைப்பிற்கு உதவியது மற்றும் பாதுகாக்கப்பட்ட தகவல்களைப் பெற்றது அல்லது வெளியிட்டது ஆகிய குற்றச்சாட்டுகளின் பேரில், செவ்வாய்க்கிழமை அன்று குளோஸ்டர் அருகே அவர் கைது செய்யப்பட்டார்.
அவர் தற்போது லண்டனில் உள்ள காவல் நிலையம் ஒன்றில் காவலில் வைக்கப்பட்டுள்ளார்.
இந்த விசாரணையின் ஒரு பகுதியாக, குளோஸ்டர்ஷையரில் உள்ள இரண்டு இடங்களில் காவல்துறையினர் சோதனைகளை மேற்கொண்டு வருகின்றனர் என்று மெட்ரோபாலிட்டன் காவல்துறை தெரிவித்துள்ளது.
எஃப்.பி.ஐ இயக்குநர் காஷ் படேல் வெளியிட்டுள்ள அறிக்கையில், இந்த கைது நடவடிக்கை "உளவு பார்த்தல் தொடர்பான குற்றச்சாட்டுகளை உள்ளடக்கியது; இது அமெரிக்காவிற்கும் நமது நட்பு நாடுகளுக்கும் மிகுந்த கவலையளிக்கும் விஷயமாகும்" என்று குறிப்பிட்டுள்ளார்.
மேலும் அவர் கூறுகையில், "இந்த விசாரணை தொடர்ந்து நடைபெற்று வரும்
வேளையில், நான் ஒரு தெளிவான செய்தியைத் தெரிவிக்க விரும்புகிறேன்:
அமெரிக்காவிற்கு அளித்த சத்தியத்தை மீறுபவர்களையும், தங்கள் செயல்களால் அமெரிக்காவின் மற்றும் நமது கூட்டாளிகளின் தேசிய பாதுகாப்பிற்கு ஆபத்தை விளைவிப்பவர்களையும் எஃப்.பி.ஐ ஒருபோதும் பொறுத்துக்கொள்ளாது."
"கடந்த 21 மாதங்களில், எஃப்.பி.ஐ மேற்கொண்ட எதிர்-உளவு மற்றும் உளவு பார்த்தல் தொடர்பான கைது நடவடிக்கைகளின் எண்ணிக்கை 167 ஆகும்; இது முந்தைய காலத்தை விட 53% அதிகம்."
"நமது நாடுகளைப் பாதுகாப்பதில் இத்தகைய கூட்டு முயற்சிகள் எவ்வளவு அவசியமானவை என்பதை இந்தச் சம்பவம் காட்டுகிறது. பிரிட்டனின் பயங்கரவாத எதிர்ப்புப் பிரிவு, எம்.ஐ.5 (MI5), பிரிட்டனின் பாதுகாப்பு எதிர்-உளவுப் பிரிவு மற்றும் அமெரிக்க ராணுவத்தின் எதிர்-உளவுப் பிரிவு ஆகியவற்றின் சிறப்பான பணிக்காக எனது நன்றியைத் தெரிவித்துக் கொள்கிறேன்.
"
இந்த விசாரணை, தற்போது நடைபெற்று வரும் பிற பயங்கரவாத எதிர்ப்பு விசாரணைகளுடன் தொடர்புடையது அல்ல.
பயங்கரவாத எதிர்ப்புப் பிரிவின் மூத்த தேசிய ஒருங்கிணைப்பாளரும், துணை உதவி ஆணையருமான விக்கி எவன்ஸ் கூறுகையில், "இந்தக் குற்றச்சாட்டுகள் மிகவும் தீவிரமானவை, எங்கள் விசாரணை தொடர்ந்து நடைபெற்று வருகிறது.
"
"இந்த நடவடிக்கை, பிரிட்டன் மற்றும் அமெரிக்காவின் சட்ட அமலாக்க அமைப்புகளுக்கும் தேசிய பாதுகாப்பு அமைப்புகளுக்கும் இடையிலான வலுவான பிணைப்பை வெளிப்படுத்துகிறது. இதில் ஈடுபட்டுள்ள அனைத்துக் குழுக்களின் பணியையும் நான் பாராட்டுகிறேன்.
"
"நமது தேசிய பாதுகாப்பிற்கு ஊறு விளைவிக்கக்கூடிய குற்றச் செயல்களில் ஈடுபடுவதாகச் சந்தேகிக்கப்படுபவர்கள் மீது கடுமையான நடவடிக்கை எடுக்க நாங்கள் இணைந்து செயல்படுவோம்.
" அமெரிக்க இராணுவத்தின் எதிர்-உளவுப் பிரிவின் தளபதியான பிரிகேடியர் ஜெனரல் ஷான் ஸ்டின்சான், "முக்கியமான தகவல்கள் ஒப்படைக்கப்பட்ட ஒரு மூத்த படைவீரரின் இந்த நடத்தை, உள் அச்சுறுத்தல்கள் உண்மையானவை மற்றும் தொடர்ச்சியானவை என்பதற்கு ஒரு எச்சரிக்கை நினைவூட்டலாக உள்ளது" என்று கூறினார்.
மேலும் அவர், "சந்தேகத்திற்குரிய எதையாவது கண்டதாக நினைக்கும் எவரும், அதைத் தங்களின் உள்ளூர் எதிர்-உளவு அலுவலகத்தில் புகாரளிக்குமாறு நான் கேட்டுக்கொள்கிறேன்" என்றும் கூறினார்.
திருகோணமலை கடற்கரையில் இடம்பெற்ற சட்டவிரோத கட்டுமானம் மற்றும் சர்ச்சைக்குரிய புத்தர் சிலை தொடர்பான வழக்கு இன்று (11) திருகோணமலை நீதவான் நீதிமன்றில் விசாரணைக்கு எடுத்துக்கொள்ளப்பட்டது.
இதன்போது, கஸ்ஸப தேரர் உள்ளிட்ட சிலர் நீதிமன்றில் முன்னிலையாகாத நிலையில், கஸ்ஸப தேரருக்கு எதிராகப் பிடியாணை பிறப்பிக்கப்பட்டுள்ளது.
இதேவேளை, குறித்த வழக்கின் அடுத்த விசாரணை எதிர்வரும் ஜனவரி 6ஆம் திகதிக்கு ஒத்திவைக்கப்பட்டுள்ளதாக தெரிவிக்கப்பட்டுள்ளது.
