"ஐரோப்பாவில் பிரிட்டன் உறுப்புரிமை தேவை.

ஐரோப்பிய ஒன்றியக் குடிமக்களில் மூன்றில் இரண்டு பங்கு பேர், பிரிட்டன் மீண்டும் அந்த அமைப்பில் இணைவதை ஆதரிப்பதாக ஒரு கணக்கெடுப்பு கண்டறிந்துள்ளது.தீவிர வலதுசாரி மற்றும் ஐரோப்பிய ஒன்றிய எதிர்ப்பு கட்சிகளின் வாக்காளர்கள் கூட நெருங்கிய உறவுகளை ஆதரிக்கின்றனர் என கருத்துக் கணிப்பு தெரிவிக்கிறது.

ஐரோப்பிய ஒன்றிய குடிமக்களில் மூன்றில் இரண்டு பங்கு பேர் பிரிட்டன் மீண்டும் அந்த கூட்டமைப்பில் இணைவதை ஆதரிப்பார்கள் என்றும், அதே நேரத்தில் பெரும்பாலான பிரிட்டன் வாக்காளர்கள், தாங்கள் அக்கறை கொள்ளும் விஷயங்களுக்கு பிரெக்ஸிட் தீங்கானது என்றும், நீண்ட காலமாக நச்சுத்தன்மை வாய்ந்ததாகக் கருதப்படும் சுதந்திரமான நடமாட்டம் போன்ற ஒருங்கிணைப்பு நிலைகள் உட்பட, நெருங்கிய உறவுகளை விரும்புவதாகவும் ஒரு கணக்கெடுப்பு கண்டறிந்துள்ளது. 

பிரெக்ஸிட் வாக்கெடுப்பு நடந்து பத்து ஆண்டுகளுக்குப் பிறகு, ஐரோப்பிய வெளியுறவு கவுன்சில் (ECFR) என்ற சிந்தனைக் குழு நடத்திய கருத்துக் கணிப்பில், 15 நாடுகளில் உள்ள பதிலளித்தவர்களில் 66% பேர், பிரிட்டன் உறுப்புரிமை பெறுவது மிகவும் நல்லது, நல்லது அல்லது "நல்லதும் அல்ல, கெட்டதும் அல்ல" என்ற யோசனையாகக் கருதுவதாகக் கண்டறியப்பட்டுள்ளது. 

இந்த சராசரியானது, நெருங்கிய உறவை ஆதரிப்பவர்களை (59%) அல்லது தற்போதைய நிலையைத் தொடர விரும்புபவர்களை (46%) கணிசமாக விஞ்சியது. மீண்டும் இணைவதற்கான ஆதரவு பல்கேரியாவில் 56%, பிரான்ஸ் மற்றும் இத்தாலியில் 59% என்ற குறைந்த அளவிலிருந்து நெதர்லாந்து மற்றும் டென்மார்க்கில் 75% என்ற அதிக அளவு வரை இருந்தது. 

 தீவிர வலதுசாரி மற்றும் ஐரோப்பிய ஒன்றியத்தை விமர்சிக்கும் கட்சிகளின் வாக்காளர்கள் கூட, அந்த கூட்டமைப்புக்கும் ஐக்கிய இராச்சியத்திற்கும் இடையே நெருங்கிய உறவுகளை ஆதரிப்பதாகக் கூறினர். 

போலந்தின் கூட்டமைப்பு (71%), ஜெர்மனியின் AfD (58%) மற்றும் பிரான்சின் தேசிய பேரணி (58%) ஆகியவற்றின் ஆதரவாளர்களில் பெரும்பான்மையானோர் இதில் அடங்குவர். 

பல ஐரோப்பியத் தலைவர்கள் இந்தக் கருத்தைப் பிரதிபலித்துள்ளனர். பிரான்சின் ஜனாதிபதி இம்மானுவேல் மக்ரோன், கதவு "எப்போதும் திறந்தே இருக்கும்" என்று கூறியுள்ளார்.

மேலும், ஸ்பெயினின் பிரதமர் பெட்ரோ சான்செஸ், பிரிட்டன் உறுப்புரிமை பெறுவதை ஸ்பெயின் "முழுமையாக" ஆதரிக்கும் என்று கூறியுள்ளார். பின்லாந்தின் ஜனாதிபதி அலெக்சாண்டர் ஸ்டப், ஐக்கிய இராச்சியத்தை உறுப்புரிமைக்கான ஒரு வேட்பாளராக வெளிப்படையாகப் பெயரிட்டு, "ஐரோப்பாவில் எங்களுக்கு ஒரு ஐக்கிய இராச்சியத்தின் குரல் தேவை. 

நாங்கள் உங்களை மிகவும் இழக்கிறோம்" என்று கூறியுள்ளார். மே மாதத்தில், ஐரோப்பிய பசுமைக் கட்சி, ஐக்கிய இராச்சியத்தை மீண்டும் சேருமாறு முறையாக அழைப்பு விடுத்தது. 

ஐக்கிய இராச்சியத்தில், மே மாதம் நடத்தப்பட்ட ஒரு கருத்துக் கணிப்பில், சீர்திருத்த ஐக்கிய இராச்சியத்தின் (Reform UK) ஆதரவாளர்கள் உட்பட, கட்சி வேறுபாடின்றி அனைத்துத் தரப்பு வாக்காளர்களும், பிரெக்ஸிட் நாட்டின் மீதும், ஒரு தசாப்தத்திற்கு முன்பு விவாதத்தின் மையமாக இருந்த பல முக்கியப் பிரச்சினைகள் மீதும் எதிர்மறையான தாக்கத்தை ஏற்படுத்தியதாக நம்பினர். 

பிரிட்டிஷ் வாக்காளர்கள், வெளியேறுவது தங்களின் முக்கிய முன்னுரிமைகளான வாழ்க்கைச் செலவு (66%), பொருளாதாரம் (65%), இளைஞர்களுக்கான வாய்ப்பு (57%), சட்டவிரோதக் குடியேற்றம் (56%) மற்றும் வர்த்தகம் (56%) ஆகியவற்றைப் பாதித்ததாகக் கூறினர். 

வெளியேற வாக்களித்தவர்களில் பெரும்பாலானோர் (58%) கூட, பிரெக்ஸிட் சட்டவிரோதக் குடியேற்றத்தை மேலும் மோசமாக்கியதாகக் கூறினர்.பிரெக்சிட்டின் முதன்மைப் பலன்களைக் கண்டறியுமாறு கேட்கப்பட்டபோது, ​​பெரும் வித்தியாசத்தில் மிகவும் பொதுவான பதில் "தெரியாது" என்பதாக இருந்தது. 

அதனைத் தொடர்ந்து "மேற்கூறிய எதுவும் இல்லை" என்ற பதில் வந்தது. இது, பெரும்பாலான பிரிட்டிஷ் வாக்காளர்கள், வெளிப்படையான எந்த நன்மையும் இல்லாமல் பிரெக்சிட் உண்மையான பாதிப்பை ஏற்படுத்தியதாக இப்போது உணர்கிறார்கள் என்பதைக் காட்டுகிறது. 

 வெளியேறும் முடிவின் மீதான இந்த மிகப்பெரும் எதிர்மறையான தீர்ப்பு, கூட்டமைப்புடன் ஒரு நெருங்கிய உறவை ஏற்படுத்திக்கொள்ள வேண்டும் என்ற வலுவான விருப்பமாக வெளிப்படுகிறது: இங்கிலாந்தில் பதிலளித்தவர்களில் 75% பேர் இதற்கு ஆதரவாக இருந்தனர். வர்த்தகம் மற்றும் பொருளாதார உறவுகள் குறித்துக் கேட்கப்பட்டபோது, ​​66% பேர் அவை மிகவும் அல்லது சற்றே நெருக்கமாக இருக்க வேண்டும் என்று கூறினர்.

 ஒருவேளை மிகவும் குறிப்பிடத்தக்க விஷயம் என்னவென்றால், பதிலளித்தவர்களில் பெரும்பான்மையானவர்கள் (63%) – 2016-ல் வெளியேற வாக்களித்தவர்களில் 57% பேர் உட்பட – நெருங்கிய வர்த்தக உறவுகளுக்கு ஈடாக இப்போது சுதந்திரமான நடமாட்டத்தை ஏற்றுக்கொள்வதாகக் கூறினர்.

வெறும் 18% பேர் மட்டுமே அதை நிராகரித்தனர். தங்களின் முதன்மையான கவலை குடியேற்றம் என்று கூறிய வாக்காளர்களிடையே கூட, 44% பேர் நெருங்கிய பொருளாதார உறவின் ஒரு பகுதியாக சுதந்திரமான நடமாட்டத்தை ஆதரிப்பதாகக் கூறினர். 

இது, பிரெக்சிட் வாக்கெடுப்பின் முக்கிய உந்து சக்திகளில் ஒன்று இனி இங்கிலாந்து விவாதத்தின் மையமாக இல்லை என்பதைக் காட்டுகிறது.

கார்டியன் செய்தி

கார்டியன் செய்தி

தமிழின அழிப்பில் முதன்மைப் பங்காளியாகச் செயற்பட்ட அமெரிக்கா!!

தமிழின அழிப்பில் முதன்மைப் பங்காளியாகச் செயற்பட்ட அமெரிக்காவின் பங்கை எமது மக்களுக்கு மீள நினைவூட்டும் ஒரு வாய்ப்பை 2026 FIFA போட்டிகள் நமக்கு வழங்கியிருக்கிறது. 

2026 FIFA உலகக் கோப்பையில் ஈரான் அணி அமெரிக்காவில் விளையாடுவதற்கான நிபந்தனைகளை நாம் அனைவரும் அறிந்திருப்போம். ஈரான் அணி போட்டி நாளில் போட்டி ஆரம்பமாவதற்கு சில மணி நேரங்களுக்கு முன்பே அமெரிக்காவிற்குள் நுழைய அனுமதிக்கப்படுகிறது. போட்டி முடிந்ததும் உடனேயே மெக்சிகோ திரும்ப வேண்டும். 

 அனைத்து வீரர்களுக்கும் விசா வழங்கப்பட்டாலும், சில நிர்வாகிகள், Physiotherapist, மருத்துவர்கள், மற்றும் உதவி ஊழியர்களுக்கு அமெரிக்கா விசா மறுத்திருக்கிறது. அடுத்து, ஈரான் ரசிகர்களுக்காக ஒதுக்கப்பட்டிருந்த சில உலகக் கோப்பை டிக்கெட்டுகள் ரத்து செய்யப்பட்டுள்ளதுடன் ஈரானிய ரசிகர்களுக்கு முழுமையாகவே விசா மறுக்கப்பட்டிருக்கிறது. 

இதன் விளைவாக போட்டி நடைபெறும் நாட்டின் காலநிலைக்கு தம்மைத் தயார்படுத்த முடியாமை, மைதானங்களில் பயிற்சி எடுக்க முடியாமை, நீண்ட நாள் பயிற்சியாளர்கள் இன்மை, மாறி மாறிப் பயணிப்பதால் வரும் பயணக் களைப்பு, அயர்ச்சி, உளவியல் சிக்கல், வீரர்களின் பெரும் பலமான மைதானத்தில் ரசிகர் ஆதரவு இல்லாமை என்று ஈரான் அணியின் சிக்கலை எழுதிக் கொண்டே போகலாம். ஆனால் ஈரான் அனைத்து வாய்ப்புகளும் கிடைக்கும் அணிகளுடன் மோத வேண்டும். 

இது எப்படி சம தரப்பு போட்டியாக இருக்க முடியும்.? ஆனால் இதுதான் அமெரிக்காவின் நீதி. இதை FIFA வால் கூட கேள்வி கேட்க முடியாது. காலா காலம் மேற்குலக - குறிப்பாக அமெரிக்கா வரையும் வளைகோட்டு நீதி இது. உலகப் புகழ் பெற்ற பிரெஞ்சு தத்துவ மேதை Jean Baudrillard இரட்டைக் கோபுரம் தகர்க்கப்பட்ட போது இந்த 'நீதி' கேள்விக்குட்படுத்தப்பட்டதை பின்வருமாறு வரையறுத்தார். 

'ஒரு அதிகார வர்க்கம் அனைத்து சீட்டுக்களையும் தன்னகத்தே வைத்துக் கொண்டு மறு தரப்பை விளையாட்டுக்கு அழைத்தபோது, கையறு நிலையிலிருந்த மறு தரப்பு ஆட்டத்தை தொடர வேண்டிய நிர்ப்பந்தத்தின் பொருட்டு விளையாட்டின் விதிகளை மாற்ற வேண்டிய புறநிலைக்குத் தள்ளப்பட்டது. 

அந்த விதிகள் அதிகாரத்தின் சமன்பாடுகளை கொடுரமாகக் குலைத்துப் போட்டன.” நாம் எமது வரலாற்றுக்குத் திரும்புவோம். 2002 இல் சமாதான உடன்படிக்கை கைச்சாத்தாகி தொடர் பேச்சுவார்த்தைகள் சுமூகமாக நகர்ந்து கொண்டிருந்தன. 

புலிகளிடம் இடைக்கால நிர்வாக சபை ஒன்றைக் கையளிப்பதற்கான வாய்ப்புகள் நெருங்கியிருந்தன. தாய்லாந்து, ஒஸ்லோ, ஜெனிவா என்று நகர்ந்து கொண்டிருந்த பேச்சுக்கள் ஒரு கட்டத்தல் உதவி வழங்கும் மாநாடாக நியூயோர்க்குக்கு நகர்ந்திருந்தது. இங்கேதான் சிக்கல் ஆரம்பமாகியது. நோர்வே தலைமை அனுசரணையாளராக இருந்தாலும் இணைத் தலைமை நாடுகள் ( Co - Chairs) என்ற அடிப்படையில் அமெரிக்காவும் இதில் பங்கெடுத்திருந்தது. 

ஆனால் சம தரப்பு அங்கீகாரத்தின் அடிப்படையில் பேச்சுக்கு வந்த புலிகளை - அதன் அங்கீகாரத்தைக் குலைப்பது போல் புலிகளுக்கு அமெரிக்கா விசா வழங்க மறுத்தது. 

இரு தரப்பில் சம்பந்தப்பட்ட ஒரு தரப்பு இல்லாமலேயே அந்த மாநாட்டை நடாத்த அமெரிக்க முயன்றது. பேச்சு முறிவிற்கான முதல் புள்ளி மட்டுமல்ல இறுதித் தமிழின அழிப்பிற்கான முதல் வித்தும் இடப்பட்ட சம்பவம் இது.

புலிகளுக்கும் சிறீலங்காப் படைகளுக்குமிடையில் வலுச் சமநிலை காணப்பட்டது என்ற அடிப்படையிலும், பேச்சு வார்த்தைகளின் போது இலங்கை அரசும் விடுதலைப் புலிகளும் சமத்துவம் கொண்டவர்கள் (Parity of Status) என்ற அடிப்படையிலுமேயே புரிந்துணர்வு ஒப்பந்தமும், தொடர் பேச்சுக்களும் இடம் பெற்றன.

 போர் நிறுத்தம் முறிவுற்றமைக்கும் பேச்சுவார்த் தைகளிலிருந்து விடுதலைப்புலிகள் வெளியேறியமைக்கும் ஆறு சுற்றுப் பேச்சுவார்த்தைகள் காரணமல்ல. திருப்திகரமான முன்னேற்றம் பேச்சுவார்த்தைகளில் ஏற்பட்டிருந்தது. 

எனினும் பேச்சுவார்த்தைகள் நடைபெற்றுக் கொண்டிருந்தபோது விடுதலைப் புலிகளை அமெரிக்கா தடைசெய்தமையும் பேச்சுவார்த்தைகள் தொடர்பாகவும் வடக்கு – கிழக்கின் அபிவிருத்தி தொடர்பாகவும் வாஷிங்டனில் அமெரிக்க அரசு ஏற்பாடு செய்த மாநாட்டுக்கு விடுதலைப் புலிகளை அழைக்க மறுத்தமையும் தான் இலங்கையில் சமாதான முயற் சிகள் சீர்குலைந்து போனமைக்குக் காரணம்' என்று டப்ளின் தீர்ப்பாயம் தனது தீர்ப்பில் குறிப்பிட்டிருக்கிறது. 

'இலங்கை அரசையும் விடுதலைப் புலிகளையும் சமத்துவம் கொண்ட தரப்புகளாக அமெரிக்கா ஏறறுக்கொள்ளாத் தொடர்ச்சியாக மறுத்து வந்தமையின் விளைவு தான் போர் மறுபடி மூண்டெழக் காரணமாக அமைந்தது. 

எத்தகைய பேச்சுவார்த் தைகளும் வெற்றி பெறுவதற்கு அரசியல் ரீதியான சமத்துவ நிலையிலேயே இரண்டு தரப்பினரும் கலந்து கொள்ளவேண்டும் என்பதும் அச்சமநிலை தொடர்ந்தும் பேணப்படவேண்டும் என்பதும் அடிப்படையான நிபந்தனைகள் ஆகும். 

இலங்கைச் சூழலில் இந்த அடிப்படை விதியை மிகவும் திட்டமிட்ட வகையில் உடைத்தெறிந்த பொறுப்பு அமெரிக்க அரசையே சாரும்' என்று பாசண அபேவர்த்தன தனது வாக்குமூலத்தில் அதே டப்ளின் தீர்ப்பாயத்தில் சாட்சியமளித்திருக்கிறார். புலிகளுக்கும் சிறீலங்கா அரசுக்கும் சமாதானப் பேச்சுவார்த்தைகள் நடந்து கொண்டிருந்த போது அமெரிக்கா இன்னுமொரு நடவடிக்கையிலும் இறங்கியது.

 2007ல் இலங்கை அரசுடன் Acquisition and Cross Services Agteement (ACSA) எனப்படும் இராணுவ ஒப்பந் தத்தை ஏற்படுத்தியது. இப்படி அமெரிக்காவின் சதி நடவடிக்கைகளை எழுதிக் கொண்டே போகலாம். Jean Baudrillard தியரிப்படி புலிகளுக்கும் ஒரு இக்கட்டு நிலையை அமெரிக்கா - அதாவது உலக அரச பயங்கரவாதம் ஏற்படுத்தியது. 

ஆனால் அரச பயங்கரவாதத்தின் எண்ணத்தைப் புலிகள் தோற்கடித்தார்கள். அவர்கள் கொடூரமான விதிகளை நோக்கி நகரவில்லை. போராடும் தேசிய இனங்களின் ஒற்றைப் பிரதிநிதிகளாக நின்று இறைமையை அடகு வைக்காமல் மண்டியிடாது இறுதி வரை போராடி புதிய கோட்பாட்டை அறிமுகம் செய்தார்கள். தலைவர் சற்றேனும் நிதானம் தவறியிருந்தால் புலிகளின் வரலாறு மட்டுமல்ல உலகின் போராடும் தேசிய இனங்கள் அனைத்தினது வரலாறும் தலைகீழாக மாறியிருக்கும். 

ஏனெனில் தமிழீழம் உலக அரச பயங்கரவாதத்தின் ஒரு புதிய பரீட்சார்த்த களமாகவே அப்போது முற்றுகையிடப்பட்டிருந்தது. புலிகள் இதை உணர்ந்து விட்டுக்கொடுக்காமல்/ அடிபணியாமல்/ எந்தச் சமரசமும் செய்யாமல் இறுதிவரை போராடி தேசிய இனங்களின் இறைமைக்கு புதிய வரைவிலக்கணம் எழுதினார்கள். 

சோவியத் யூனியன் உடைந்த போது/ பெர்லின் சுவர் தகர்ந்த போது/ இரட்டை கோபுரம் நொருங்கிய போது உலக வரலாறு தன்னை புதுப்பித்து கொண்டது. இதை முன் வைத்து Francis fukuyama போன்ற கோட்பாட்டாளர்கள் வரலாற்றுக்கு முடிவுரை எழுதக்கூடப் புகுந்தார்கள். தற்போது அந்த வரிசையில் ‘நந்திக்கடல்’. 2009 மே 17 நள்ளிரவில், ஒரு சிறிய நீர்ப்பரப்பை மட்டும் சாட்சியாக வைத்து இதுவரை கால மனித குல வரலாற்றை அசைத்து பார்க்கும் ஒரு பிரளயம் நடந்தேறியது உலகின் கண்களுக்கு தெரியாமலே போனது.

நவீன மனித குல வரலாற்றை உலகில் ஒடுக்கப்பட்டு அடக்கப்பட்டு அல்லலுறும் இனங்களுக்கான வரலாறாக மாற்றி எழுதியஇந்த நூற்றாண்டின் தாய்ச் சமர்க்களம் அது. வரலாற்றின் அதி உச்ச நிகழ்வு அது. காலங் கடந்து உலக வரலாற்றாசிரியர்களுக்கு, தத்துவவாதிகளுக்கு, கோட்பாட்டாளர்களுக்கு தீனி போடக் காத்துக் கிடக்கிறது அந்த நீர்ப்பரப்பு.

 (பின் குறிப்பு: இறுதியாக மேற்குலகத்தைக் - குறிப்பாக அமெரிக்கா பின்னால் இழுபடும் நம்மவர்கள் தெரிந்து கொள்ள வேண்டிய வரலாறு இது. அத்தோடு விளையாட்டு வேறு அரசியல் வேறு என்று இன அழிப்பு அரசின் கிரிக்கெட் பின்னால் இழுபடும் ஒரு சாராரும் தெரிந்து கொள்ள வேண்டிய சமகால வரலாறு இது.) 

இது ஒரு முகப்புத்தகத்தின் பிரதியாக்கம்.

பரணி கிருஷ்ணராஜனி தரன்

தூய்மைப்பணி தனியார்மயம்- டெண்டர் கோரியது தமிழக அரசு

தாம்பரம், ஆவடி, மதுரை, கோவை, திருச்சி உள்பட 12 மாநகராட்சிகளில் தூய்மைப்பணியை தனியார்மயமாக்குவது தொடர்பாக, தமிழக அரசு டெண்டர் கோரியுள்ளது. இதற்கு கடும் எதிர்ப்பு தெரிவித்து, தூய்மைப்பணியாளர்கள் நேற்று எழும்பூரில் இருந்து தலைமை செயலகம் நோக்கி 500க்கும் மேற்பட்டோர் பேரணியாக சென்றனர். 

இதன் காரணமாக பெரும் பரபரப்பு ஏற்பட்டது. தமிழகத்தில் சென்னை, கோவை, மதுரை, நெல்லை, வேலூர் உள்பட மொத்தம் 25 மாநகராட்சிகள் உள்ளன.

இவற்றில் தாம்பரம், ஆவடி உள்பட 12 மாநகராட்சிகளில் தூய்மை பணிகளை பொது-தனியார் பங்களிப்பு முறையில் மேற்கொள்ள விரிவான சாத்தியக்கூறு அறிக்கை தயார் செய்ய அரசு டெண்டர் கோரி உள்ளது.

தமிழ்நாடு நகர்ப்புற உள்கட்டமைப்பு நிதி சேவைகள் நிறுவனம் மூலம் தமிழக திட்ட மேம்பாட்டு மானிய நிதி சார்பில் திடக்கழிவு சேகரிப்பு மற்றும் கொண்டு செல்லும் பணிகளுக்கான பொது-தனியார் கூட்டு திட்டங்களுக்கு 3 தொகுப்புகளில் ஆலோசனை நிறுவனங்களை நியமிக்க முன்மொழிவுக்கான அழைப்பு வெளியிடப்பட்டுள்ளது. 

 குறிப்பாக ஆவடி, ஓசூர், தாம்பரம், வேலூர், கோவை, ஈரோடு, சேலம், திருப்பூர், மதுரை, தூத்துக்குடி, திருச்சி, திருநெல்வேலி ஆகிய 12 மாநகராட்சிகளிலும் திடக்கழிவுகளை சேகரித்தல் மற்றும் கொண்டு செல்லுதல் தொடர்பான விரிவான சாத்தியக்கூறு அறிக்கையை தயாரிப்பதற்கும், பரிவர்த்தனை ஆலோசனை சேவைகளை வழங்குவதற்கும் ஒரு ஆலோசனை நிறுவனத்தை நியமிக்கப்பட உள்ளது. 

இதற்கான விண்ணப்பங்கள் வரவேற்கப்படுகிறது. 3 தொகுப்பு பிரிக்கப்பட்டு ஒரு தொகுப்பிக்கு ரூ.1.35 கோடி மதிப்பாகும். தகுதியான ஆலோசனை நிறுவனங்கள் அனைத்தும் விண்ணப்பத்தை www.tntenders.gov.in இணையதளத்தில் இலவசமாக பதிவிறக்கம் செய்து அடுத்த மாதம் 27ம் தேதிக்குள் விண்ணப்பிக்கலாம். 

இவ்வாறு அதில் கூறப்பட்டுள்ளது. இந்நிலையில், தமிழ்நாடு அரசு 12 மாநகராட்சிகளில் தூய்மைப் பணியை தனியார் மயப்படுத்த திட்டமிட்டுள்ளதற்கு எதிர்ப்பு தெரிவித்தும், தூய்மை பணியை தனியார்மயப்படுத்த கூடாது, பணி நிரந்தரம் உள்ளிட்ட கோரிக்கைகளை வலியுறுத்தியும் உழைப்போர் உரிமை இயக்கம் சார்பில் சென்னை, எழும்பூரில் இருந்து தூய்மை பணியாளர்கள் தலைமை செயலகம் நோக்கி பேரணியாகச் சென்றனர். 

சுமார் 500க்கும் மேற்பட்ட தூய்மை பணியாளர்கள் பங்கேற்றனர். அப்போது, தூய்மை பணிகளை தனியார் மயப்படுத்துவதற்கு எதிர்ப்பு, பணி நிரந்தரம் ஆகிய கோரிக்கைகள் மற்றும் ஒப்பந்த அடிப்படையில் பணி நியமன எதிர்ப்பு, வாரவிடுப்பு, பணி நேரத்தை குறைப்பது உள்ளிட்ட கோரிக்கைகளையும் வலியுறுத்தி கண்டன முழக்கங்களை எழுப்பியும், பதாகைகளை ஏந்தியும் தூய்மை பணியாளர்கள் பேரணி சென்றனர்.

தாம்பரம், ஆவடி, மதுரை, கோவை, திருச்சி உள்பட 12 மாநகராட்சிகளில் தூய்மைப்பணி தனியார்மயம்: டெண்டர் கோரியது தமிழக அரசு 01:20 AM Jun 21, 2026 IST featured-imgfeatured-img share Share fb twitter whatsapp சென்னை: தாம்பரம், ஆவடி, மதுரை, கோவை, திருச்சி உள்பட 12 மாநகராட்சிகளில் தூய்மைப்பணியை தனியார்மயமாக்குவது தொடர்பாக, தமிழக அரசு டெண்டர் கோரியுள்ளது. இதற்கு கடும் எதிர்ப்பு தெரிவித்து, தூய்மைப்பணியாளர்கள் நேற்று எழும்பூரில் இருந்து தலைமை செயலகம் நோக்கி 500க்கும் மேற்பட்டோர் பேரணியாக சென்றனர். 

இதன் காரணமாக பெரும் பரபரப்பு ஏற்பட்டது. தமிழகத்தில் சென்னை, கோவை, மதுரை, நெல்லை, வேலூர் உள்பட மொத்தம் 25 மாநகராட்சிகள் உள்ளன. இவற்றில் தாம்பரம், ஆவடி உள்பட 12 மாநகராட்சிகளில் தூய்மை பணிகளை பொது-தனியார் பங்களிப்பு முறையில் மேற்கொள்ள விரிவான சாத்தியக்கூறு அறிக்கை தயார் செய்ய அரசு டெண்டர் கோரி உள்ளது.

 

செருப்பு மாலையுடன் அர்ச்சுனா இராமநாதனின் படக் கட்டவுட் – சட்டத்தரணி சுகாஸ்

யாழ்ப்பாணம் பிரதான வீதியில் இன்று அர்ச்சுனா இராமநாதனின் படம் பொறித்த கட்டவுட் ஒன்று செருப்பு மாலை அணிவிக்கப்பட்ட நிலையில் காட்சிப்படுத்தப்பட்டுள்ளது. இந்நிகழ்வு குறித்த படங்களும் வீடியோக்களும் சமூக வலைத்தளங்களில் வேகமாகப் பரவி வைரலாகி வருகின்றன.

இந்நிலையில், தமிழ் தேசிய மக்கள் முன்னணியின் ஊடகப் பேச்சாளரும் சட்டத்தரணியுமான சுகாஸ் காட்டம் தனது முகநூல் பக்கத்தில் கடுமையான விமர்சனப் பதிவொன்றை வெளியிட்டுள்ளார். அந்தப் பதிவில் அவர் கூறியிருப்பதாவது: “தயவுசெய்து செருப்பைக் கொச்சைப்படுத்தாதீர்கள் – ஏனெனில் செருப்பைவிடக் கீழான நிலையில்தான் இவர் இருக்கிறார். 

இவர் பைத்தியமுமில்லை, முட்டாளுமில்லை; மாறாக மக்களின் உளவியலைப் புரிந்துகொண்டு அரசியலை வணிகமாகச் செய்யும் வியாபாரியே ஆவார். இவர் சுயமாக இயங்கவில்லை; வேறு சக்திகளால் இயக்கப்படுகிறார். மிஞ்சியிருக்கும் தமிழ் இனத்தின் எதிர்காலத்தை அழிப்பதற்கும், இனப்படுகொலைக்கான நீதிக் கோரிக்கையை முறியடிப்பதற்குமே இவரது நடவடிக்கைகள் அமைகின்றன. 

தமிழர்களை உலகுக்கு முன்னால் கோமாளிகளாகக் காட்டுவதில் இவர் வெற்றி பெற்றுவிட்டார். பொது வாழ்வில் அநாகரிகமான மொழியைப் பயன்படுத்துவது, ஒழுக்கக்குறைவான நடத்தைகளைக் காட்டுவது போன்றவற்றை எதிர்காலத் தலைமுறைக்கு முன்மாதிரியாகக் காட்டி தவறான பாடம் கற்பிக்கிறார். உயரிய சபைகளில் அவதூறும் அருவருப்பான பேச்சும் பேசியும் எந்தவித ஒழுக்காற்று விசாரணையும் இவருக்கு எதிராக மேற்கொள்ளப்படவில்லை. 

ஏனெனில் இவரைப் போன்றவர்களால்தான் சர்வதேச விசாரணையைக் கோரும் தமிழ் சமூகம் மேலும் சீரழியும் நிலைக்குத் தள்ளப்படுகிறது. இவரது நாடகம் இன்னும் முடியவில்லை.

மாகாண சபைத் தேர்தலுக்கு முன் மீண்டும் மக்களை ஏமாற்ற வருவார், ஆனால் அடுத்த பாராளுமன்றத் தேர்தலுக்குப் பிறகு சேகரித்த செல்வத்துடன் ஐரோப்பிய நாடு ஒன்றுக்கு குடிபெயர்ந்துவிடுவார். 

மக்கள் விழிப்புடன் சிந்திக்காவிட்டால் இனத்தின் மீது எஞ்சியிருக்கும் மதிப்பும் கவுரவமும் முற்றிலும் அழிந்துவிடும். முடிந்தால் உண்மையான அரசியல் தலைவர்களான கஜேந்திரகுமார் பொன்னம்பலம் போன்றோரை அணுகி உண்மையை அறியுங்கள்.” இந்த வலுவான கருத்துப் பதிவும் தற்போது சமூக ஊடகங்களில் பரவலாகப் பகிரப்பட்டு வருகிறது.

காணாமற்போன ஆட்கள் பற்றிய அலுவலகம் சர்வதேச வழிகாட்டலில்!!

காணாமல் ஆக்கப்பட்டவர்கள் தொடர்பாக 7 ஆயிரத்திற்கும் மேற்பட்டவர்களின் அடிப்படைத் தகவல்கள் சேகரிக்கப்பட்டுள்ளதாகக் காணாமற்போன ஆட்கள் பற்றிய அலுவலகத்தின் ஆணையாளர் தெரிவித்துள்ளார். செம்மணி மனித புதைகுழி பகுதியை நீதி அமைச்சருடன் பார்வையிட்ட பின்னர் ஊடகங்களுக்குக் கருத்து தெரிவிக்கும் போதே அவர் அவ்வாறு தெரிவித்தார். "கடந்த ஐந்து ஆண்டுகளுக்கும் மேலாக இந்த அலுவலகம் தீவிரமாகச் செயல்பட்டு வருகிறது. 

 காணாமற்போன ஆட்கள் பற்றிய அலுவலகமானது ஐக்கிய நாடுகள் சபையின் மனித உரிமைகள் சட்டம், சர்வதேச மனிதாபிமானச் சட்டம் மற்றும் சர்வதேச செஞ்சிலுவைச் சங்கம் (ICRC) ஆகியவற்றின் வழிகாட்டல்களுக்கு அமையவே முற்றிலும் சட்டப்பூர்வமாக இயங்கி வருகிறது. 

 அரசாங்கத்தின் நிதியைப் பயன்படுத்தினாலும், இது எந்தவொரு இராணுவப் பிரிவிற்கோ, பொலிஸாருக்கோ அல்லது அரசியல் தரப்பிற்கோ சாதகமாகச் செயல்படாத ஒரு சுயாதீனமான ஆணைக்குழு ஆகும். பாதிக்கப்பட்டவர்களின் உண்மை நிலையைக் கண்டறிந்து, தவறிழைத்தவர்களைச் சட்டத்தின் முன் நிறுத்துவதே இதன் முதன்மை நோக்கமாகும். 

தற்போது மக்கள் மத்தியில் ஓ.எம்.பி-யின் செயல்பாடுகள் குறித்து நேர்மறையான (Positive) எண்ணம் உருவாகியுள்ளதால், மாவட்ட ரீதியாக நடத்தப்படும் அமர்வுகளுக்கு மக்கள் அதிகளவில் வருகை தந்து வருகின்றனர்.

தினசரி 100 பேருக்கு அழைப்பு விடுக்கப்படும் நிலையில், 85-க்கும் அதிகமான குடும்பங்கள் நேரில் வந்து சாட்சியங்களையும் தகவல்களையும் வழங்கி வருகின்றன. 

 மக்களிடையே நிலவும் தவறான புரிதல்களை நீக்கி, உண்மையைச் சமூகத்திற்குக் கொண்டு சேர்க்கும் முக்கியப் பங்கு ஊடகவியலாளர்களுக்கு உண்டு" என அவர் மேலும் தெரிவித்தார்.

சுரேஷ் சலேவின் பயனற்ற உண்ணாவிரதம்!

வைத்தியசாலையில் அனுமதிக்கப்பட்டுள்ள முன்னாள் புலனாய்வுத் தலைவர் சுரேஷ் சலே, வாய்வழியாக மட்டுமே உணவு உட்கொள்வதைத் தவிர்த்து வருவதாக சுகாதார அமைச்சர் நலிந்த ஜயதிஸ்ஸ தெரிவித்துள்ளார். அவர் பிற வைத்திய முறைகள் மூலம் உடலுக்குத் தேவையான ஊட்டச்சத்துக்களை உட்கொள்ள மறுக்கவில்லை என்றும், அவ்வாறு இல்லாத பட்சத்தில் எவராலும் இவ்வளவு நீண்ட காலம் உண்ணாவிரதம் இருக்க முடியாது என்றும் அமைச்சர் சுட்டிக்காட்டியுள்ளார்.

கொழும்பில் நடைபெற்ற நிகழ்வொன்றின் பின்னர் ஊடகவியலாளர்களிடம் கருத்து வெளியிட்ட அமைச்சர், முன்னாள் புலனாய்வுத் தலைவரின் இந்த முயற்சி ஒரு பயனற்ற செயல் என தெரிவித்துள்ளார்.

இலங்கை டெங்கு.! 44,000-க்கும் மேற்பட்டோர் பாதிப்பு

இலங்கையில் கடந்த சில ஆண்டுகளில் இல்லாத அளவிற்கு இந்த ஆண்டு டெங்கு காய்ச்சல் பரவல் மற்றும் பாதிப்பு மிக தீவிரமாக உள்ளது. ஜனவரி மாதம் முதல் இதுவரை 44,000 பேருக்கும் மேற்பட்டோர் அந்நாட்டில் டெங்குவால் பாதிக்கப்பட்டு உள்ளனர். இதுவரை டெங்கு காய்ச்சலுக்கு அந்நாட்டில் ஐந்து குழந்தைகள் உட்பட 28 பேர் வரை உயிரிழந்துள்ளதாக ஆணையின் சுகாதார ற்றத்துறை அதிகாரிகள் தகவல் வெளியிட்டு உள்ளனர்.இதனால் அங்குள்ள அரசு மருத்துவமனைகள் கடும் நெருக்கடிக்கு ஆளாகி உள்ளன. 

 இலங்கை தலைநகரமான கொழும்புவில் மட்டுமே அதிகபட்சமாக சுமார் 11,000 டெங்கு பாதிப்புகள் பதிவாகியுள்ளன. கொழும்பு தவிர்த்து கம்பஹா, மாத்தறை, களுத்துறை, இரத்தினபுரி, காலி, கண்டி, அம்பாந்தோட்டை, கேகாலை மற்றும் குருநாகல் உள்ளிட்ட நகரங்களிலும் டெங்கு பரவல் அதிகரித்து காணப்படுகிறது.