நுகர்வோர் விவகார அதிகாரசபையால் அரிசிக்கு வழங்கப்படும் விலைகள் மாற்றப்பட்டுள்ளதாக சில்லறை விற்பனையாளர்களுக்குத் தெரிவித்து, சில நெல் ஆலை உரிமையாளர்கள் மற்றும் மொத்த விற்பனையாளர்கள் அதிக விலைக்கு அரிசியை விற்பனை செய்ய முயற்சிப்பதாக தகவல்கள் வந்துள்ளதாகவும் அதிகாரசபை தெரிவித்துள்ளது.
அதன்படி, கெக்குளு அரிசியை விற்பனை செய்யக்கூடிய அதிகபட்ச சில்லறை விலை ரூ.220.00 ஆகவும், நாடு அரிசி ரூ.230.00 ஆகவும், சம்பா அரிசி ரூ.240.00 ஆகவும், கீரி சம்பா அரிசி ரூ.260.00 ஆகவும் இருக்க வேண்டும் என்று குறிப்பிடப்பட்டுள்ளது.
அதை விட அதிக விலைக்கு அரிசி விற்பனை செய்யும் வர்த்தகர்களுக்கு எதிராக சட்டத்தை கடுமையாக அமல்படுத்த, நாடளாவிய ரீதியாக சோதனைகள் மற்றும் விசாரணைகளை தொடர்ந்து நடத்தப்போவதாக அதிகாரசபை அறிக்கை வெளியிட்டுள்ளது.
அதன்படி, இந்த ஆண்டு மார்ச் 12 ஆம் தேதி வரை, 5,500க்கும் மேற்பட்ட கடைகள் ஆய்வு செய்யப்பட்டு, குற்றங்களைச் செய்த 4,070 வணிகர்கள் மீது சட்ட நடவடிக்கை எடுக்கப்பட்டுள்ளது.
மேலும், குற்றத்தைச் செய்த 1,555 அரிசி வியாபாரிகள் மீது சட்ட நடவடிக்கை எடுக்கப்பட்டுள்ளது.
அவர்களில் அதிக விலைக்கு அரிசியை விற்ற 462 வியாபாரிகளும், விலைகளைக் காட்டாத 1,004 வியாபாரிகளும், அரிசியை மறைத்து விற்க மறுத்த 89 வியாபாரிகளும் அடங்குவர்.
இந்த ஆண்டு மார்ச் 12 ஆம் தேதி நிலவரப்படி, 4,122 வர்த்தகர்கள் மீது வழக்குத் தொடரப்பட்டு, நீதிமன்றங்களால் விதிக்கப்பட்ட அபராதம் ரூ. 61 மில்லியன் ஆகும்.
நேற்று (12) நாடு முழுவதும் 139 கடைகளில் நடத்தப்பட்ட விசாரணைகளின் போது, வத்தளை, மத்துகம, பாதுக்க, புறக்கோட்டை மற்றும் மாவனல்ல ஆகிய இடங்களில் அதிக விலைக்கு அரிசி விற்ற 10 வர்த்தகர்கள், விலைகளைக் காட்டாத 24 வர்த்தகர்கள் மற்றும் அரிசியை மறைத்து வைத்த வர்த்தகர்கள் உட்பட சுமார் 101 வர்த்தகர்கள் மீது சட்ட நடவடிக்கை எடுக்கப்பட்டுள்ளதாகக் கூறப்படுகிறது.
மேலும், இந்த சோதனைகள் தீவு முழுவதும் தொடர்ந்து மேற்கொள்ளப்படும் என்றும், குறிப்பாக கிரி சம்பா மற்றும் சம்பா அரிசி மீது கவனம் செலுத்தப்படும் என்றும் கூறப்பட்டுள்ளது.
கருத்துகள் இல்லை:
கருத்துரையிடுக