ஆப்பிரிக்கா ஏழை அல்ல; அது திட்டமிட்டு ஏழையாக

"ஆப்பிரிக்கா ஏழை நாடு, அங்கே வறுமை தாண்டவமாடுகிறது" - இந்த வரிகளை நாம் அடிக்கடி உலக ஊடகங்களில் படித்திருப்போம். ஆனால், ஆப்பிரிக்காவை வறுமையிலேயே வைத்திருப்பது யார்? அதன் சுயாட்சியை திட்டமிட்டு நசுக்குவது யார்? 

 இந்த கேள்விகளுக்கு விடை தேடினால், நாம் 15 ஆண்டுகளுக்கு முன்னால் நேட்டோ (NATO) படைகளால் தகர்க்கப்பட்ட லிபியாவின் ஒரு பிரம்மாண்ட வரலாற்று பக்கத்திற்கு செல்ல வேண்டும். அதுதான், முஅம்மர் கடாபி (Muammar Gaddafi) உருவாக்கிய ‘மகா செயற்கை நதி’ (Great Man-Made River) திட்டம். சஹாரா பாலைவனத்தின் அடியில், சுமார் 40,000 ஆண்டுகளுக்கு முன்பு தேங்கிய தூய்மையான, பழங்கால நிலத்தடி நீர் இருப்பு (Nubian Sandstone Aquifer System) உள்ளது. இதுதான் உலகின் மிகப்பெரிய புதைபடிவ நீர் (Fossil Water) ஆதாரமாகும். 

இந்த நீரை எடுத்து, ஒட்டுமொத்த பாலைவனத்தையும் விவசாய பூமியாக மாற்ற கடாபி ஒரு மாபெரும் மெகா திட்டத்தை தீட்டினார்: லிபியாவின் பரப்பளவில் 90% க்கும் மேல் வறண்ட பாலைவனமாகும். 

நாட்டின் பெரும்பாலான மக்கள் கடலோரப் பகுதிகளிலேயே வாழ்ந்தனர். இந்தச் சூழலை மாற்றியமைக்க, மனித வரலாற்றிலேயே இல்லாத அளவிற்கு ஒரு பிரம்மாண்டமான நிலத்தடி குழாய் அமைப்பை கடாபி உருவாக்கினார். 

இதன் நீளம் பிரதாண்டமானது. 4,000 கிலோமீட்டருக்கும் அதிகமான நீளத்திற்கு இந்த குழாய்கள் பதிக்கப்பட்டன. இது இந்தியாவின் காஷ்மீரிலிருந்து கன்னியாகுமரி வரை உள்ள தூரத்தை விட அதிகம்! இதில் பயன்படுத்தப்பட்ட ஒவ்வொரு கான்கிரீட் குழாயும் 4 மீட்டர் விட்டமும் (Diameter), 7.5 மீட்டர் நீளமும் கொண்டவை. 

அதாவது, ஒரு பெரிய லாரியே அந்த குழாய்க்குள் சுலபமாக நுழைந்து சென்றுவிட முடியும். இந்த பிரம்மாண்ட குழாய்களை தயாரிப்பதற்காகவே லிபியாவின் பிரேகா (Brega) மற்றும் சாரிரி (Sarir) ஆகிய நகரங்களில் உலகத்தரம் வாய்ந்த பிரம்மாண்ட தொழிற்சாலைகள் நள்ளிரவு பகலாக இயங்கின.

 ஆவியாதல் (Evaporation) மூலம் தண்ணீர் வீணாவதைத் தடுக்கவும், போர்க்கால பாதுகாப்பிற்காகவும் ஒட்டுமொத்த நீர் விநியோக அமைப்பும் பூமிக்கு அடியில் பல மீட்டர் ஆழத்தில் புதைக்கப்பட்டது. பாலைவனத்தின் நடுவே, மனித நடமாட்டமே இல்லாத ஆழமான பகுதிகளிலிருந்து தண்ணீரை உறிஞ்சி, பல்லாயிரம் கிலோமீட்டர்களுக்கு அப்பால் உள்ள கடலோர நகரங்களுக்குக் கொண்டு செல்வது சாதாரண காரியமல்ல. 

சஹாரா பாலைவனத்தின் அடியில் பல்லாயிரம் ஆண்டுகளாகப் புதைந்து கிடந்த இந்த நீர்நிலைகளில் இருந்து தண்ணீரை எடுக்க, 1,300-க்கும் மேற்பட்ட ஆழ்துளைக் கிணறுகள் (Wells) அமைக்கப்பட்டன. 

இவற்றில் பல கிணறுகள் 500 மீட்டர் (சுமார் 1,600 அடி) ஆழம் கொண்டவை. இந்தத் திட்டத்தின் மூலம் நாளொன்றுக்கு 6.5 மில்லியன் கன மீட்டர் (65 Lakh Cubic Meters) தூய்மையான நன்னீர் பாலைவனத்திலிருந்து கடலோர நகரங்களான திரிபோலி (Tripoli), பங்காசி (Benghazi) மற்றும் சிர்தே (Sirt) ஆகிய இடங்களுக்குக் கொண்டு செல்லப்பட்டது. 

புவியீர்ப்பு விசை (Gravity) மற்றும் அதிநவீன ராட்சத மின்சார பம்புகள் மூலம் தண்ணீர் மலைகளையும் மேடுகளையும் கடந்து தடையின்றிப் பாய்ந்தது. கணினிமயமாக்கப்பட்ட கட்டுப்பாட்டு அறைகள் மூலம் ஒட்டுமொத்த நீர் ஓட்டமும் கண்காணிக்கப்பட்டது. இந்தத் திட்டத்தின் இறுதி இலக்கு வெறும் குடிநீர் வழங்குவது மட்டுமல்ல. 

லிபியாவை ஆப்பிரிக்காவின் "தானியக் களஞ்சியமாக" மாற்றுவதுதான். பாலைவனத்தின் நடுவே வட்ட வடிவமான பிரம்மாண்ட விவசாயப் பண்ணைகள் (Center-pivot irrigation) உருவாக்கப்பட்டன. விண்வெளியில் இருந்து பார்த்தால் கூட பச்சை நிறப் புள்ளிகளாகத் தெரியும் அளவிற்குப் பாலைவனம் சோலைவனமாக மாறியது. 

கோதுமை, ஓட்ஸ், சோளம், காய்கறிகள் மற்றும் பழங்கள் லிபிய மண்ணிலேயே விளைவிக்கப்பட்டன. மேற்கத்திய நாடுகளிலிருந்து உணவுப் பொருட்களை இறக்குமதி செய்யும் நிலை முழுமையாக மாறத் தொடங்கியது.

லிபியாவைத் தாண்டி வறட்சியால் பாதிக்கப்படும் ஆப்பிரிக்காவின் பிற சாஹெல் நாடுகளுக்கும் (சூடான், சாட், நைஜர் போன்றவை) இந்தத் திட்டத்தின் மூலம் எதிர்காலத்தில் தண்ணீரும் உணவும் வழங்கி, ஒட்டுமொத்த வட ஆப்பிரிக்காவையும் ஒரு வல்லரசாக மாற்றுவதே கடாபியின் கனவாக இருந்தது. சுருக்கமாகச் சொன்னால் லிபிய மக்கள் இதனை "கடவுள் கொடுத்த பரிசு" என்றும், உலகப் பொறியியலாளர்கள் இதனை "உலகின் எட்டாவது அதிசயம்" (8th Wonder of the World) என்றும் அழைத்தனர். 

 வெளிநாட்டு நிறுவனங்களின் கடனோ, உலக வங்கியின் (World Bank) உதவியோ இல்லாமல், லிபியாவின் சொந்தப் பணத்தில் ($25 Billion+) கட்டப்பட்ட இந்தத் தற்சார்புதான் மேற்கத்திய சாம்ராஜ்யங்களின் கண்ணை உறுத்தியது. இங்கேதான் 'சாம்ராஜ்யங்களின்' (Western Empire) சுயரூபம் வெளிப்படுகிறது. ஆப்பிரிக்க நாடுகள் தங்களின் சொந்த காலில் நிற்பதை, மேற்கத்திய நாடுகள் என்றுமே விரும்புவதில்லை. 

நீங்கள் எப்போதும் மேற்கத்திய நாடுகளிலிருந்து உணவையும், பொருட்களையும் இறக்குமதி செய்ய வேண்டும்; 'சர்வதேச நாணய நிதியத்திடம்' (IMF) கையேந்தி நிற்க வேண்டும் என்பதே அவர்களின் கணக்கு. இதற்கு ஆதாரமாக, 1987-ல் வெளியிடப்பட்ட சிஐஏ (CIA) ரகசிய ஆவணம் ஒன்று தற்பொழுது வெளிவந்துள்ளது. 

அதில் இந்த நீர் திட்டத்தை ஒரு "அச்சுறுத்தல்" என்று அவர்கள் குறிப்பிட்டுள்ளனர்: "இந்த நீர் திட்டம் லிபியாவின் தண்ணீர் தேவையை நிரந்தரமாக பூர்த்தி செய்யும் ஆற்றல் கொண்டது. இதனால், மேற்கத்திய நாடுகளிலிருந்து அவர்கள் உணவு இறக்குமதி செய்வதை பெருமளவு குறைத்துவிடுவார்கள்.

"என்பதே அந்த அச்சுறுத்தல். அதாவது, ஒரு நாடு தன் சொந்த மக்களின் பசியை போக்க நினைப்பது, இவர்களுக்கு அச்சுறுத்தலாக தெரிந்தது! இதன் விளைவு என்னவென்று தெரியுமா? 15 ஆண்டுகளுக்கு முன்பு, 2011 ஜூலை 22 அன்று, நேட்டோ (NATO) போர் விமானங்கள் இந்த மாபெரும் நீர் திட்டத்தின் தளங்கள் மீதும், பிரேகா (Brega) நகரில் இருந்த குழாய் உற்பத்தி தொழிற்சாலை மீதும் குண்டுகளை வீசி அதை தரைமட்டமாக்கின. 

சஹாராவும், வடக்கு சாஹெல் பகுதியும் எப்போதும் ஏழையாகவே இருக்க வேண்டும், மக்கள் தொகை பெருகக் கூடாது, எப்போதும் தங்களை சார்ந்து வாழ வேண்டும் என்பதை மேற்கத்திய நாடுகள் இதன் மூலம் உறுதி செய்தன. "சுயாட்சியாவது, சுதந்திரமாவது? அதெல்லாம் ஆப்பிரிக்காவிற்கு தேவையில்லை. ஒரு நாட்டை அடித்து நொறுக்கி, கற்காலத்திற்கு தள்ளி, பின்னர் நம்மிடம் கடன் வாங்க வைப்பது... கடனுக்கு ஈடாக அவர்களின் இயற்கை வளங்களை மொத்தமாக சுரண்டுவது..." – இதுதான் இன்றைய நவீன காலனித்துவத்தின் அப்பட்டமான சூழ்ச்சி. 

ஆப்பிரிக்கா ஏழை அல்ல; அது திட்டமிட்டு ஏழையாக வைக்கப்பட்டுள்ளது என்பதே கசப்பான உண்மை! 

அதற்கு முஅம்மர் கடாபியின் வீழ்ச்சியும், லிபியாவின் இன்றைய நிலையும் ஒரு வாழும் சாட்சியாகும். நேட்டோ (NATO) படைகள் லிபியாவின் மீது குண்டுகளை வீசியது அங்கு ஜனநாயகத்தைக் கொண்டு வருவதற்காக அல்லமாறாக, ஆப்பிரிக்கா தன் சொந்தக் காலில் நின்றுவிடக் கூடாது என்பதற்காகத்தான். 

மேற்கத்திய டாலர் ஆதிக்கத்தை தகர்க்க முயன்ற 'ஆப்பிரிக்க தங்க தினார்' (Gold Dinar) திட்டமும், அவர்களின் உணவு மற்றும் தண்ணீர் ஏகபோக உரிமையை உடைக்க முயன்ற 'மகா செயற்கை நதி' (Great Man-Made River) திட்டமும் ஒன்றிணைந்த போது, அது மேற்கத்திய சாம்ராஜ்யத்தின் அடித்தளத்தையே உலுக்கியது. 

ஒரு ஆப்பிரிக்க நாடு உலக வங்கியிடம் கடன் வாங்காமல், சொந்தத் தண்ணீரில் விவசாயம் செய்து, சொந்தத் தங்க நாணயத்தில் எண்ணெய் விற்றால், தங்களின் Neocolonialism சூதாட்டம் முடிவுக்கு வந்துவிடும் என்பதை ஏகாதிபத்திய நாடுகள் நன்கு அறிந்திருந்தன.

 அதன் விளைவாகவே, கடாபி கொடூரமாகக் கொல்லப்பட்டார்; உலகின் எட்டாவது அதிசயமாகக் கருதப்பட்ட நதித் திட்டம் குண்டுகளால் தகர்க்கப்பட்டது. இன்று லிபியா சிதைந்து, ஆப்பிரிக்கா மீண்டும் வறுமையின் பிடிக்குள் தள்ளப்பட்டுள்ளது. 

"ஆப்பிரிக்காவை ஆப்பிரிக்கர்களே ஆள வேண்டும், அதன் வளங்கள் அதன் மக்களுக்கே சொந்தம்" என்று உரக்கச் சொன்ன ஒரு தலைவனின் கனவு, சர்வதேச அரசியல் சூழ்ச்சிகளால் எப்படி ஒடுக்கப்பட்டது என்பதை வரலாறு என்றும் மறக்காது. உண்மையான சுதந்திரம் என்பது வெறும் கொடி ஏற்றுவதில் இல்லை; அது உணவிலும், தண்ணீரிலும், பொருளாதாரத்திலும் தற்சார்பு அடைவதில்தான் உள்ளது என்பதை இந்த வரலாறு நமக்கு உணர்த்துகிறது.

போரை முடிவுக்கு வர 7 நிபந்தனைகளுக்கு அமெரிக்கா முன் வர வேண்டும்

ஈரானின் உயர்மட்ட பாதுகாப்பு அதிகாரி மொஹ்சென் ரெஸாயி, போரை முடிவுக்குக் கொண்டுவர தெஹ்ரான் விதித்துள்ள ஏழு நிபந்தனைகளுக்கு அமெரிக்கா "சரணடைய வேண்டும்" என்று அழைப்பு விடுத்துள்ளார். 

மேலும், "கற்பனைப் பேச்சுவார்த்தைகள்" குறித்து வாஷிங்டன் "போலிச் செய்திகளை" பரப்புவதாகவும் அவர் குற்றம் சாட்டியுள்ளார். கத்தார் பிரதமருடன் பேச்சுவார்த்தை நடத்திய பின்னர், ஈரான் மீதான போரை முடிவுக்குக் கொண்டுவருவதில் "நேர்மறையான உத்வேகம்" இருப்பதாக அமெரிக்க அதிபர் டொனால்ட் டிரம்ப் கூறியுள்ளார். 

மேலும், தாக்குதல்கள் மீண்டும் தொடங்குவது "மிகவும் சாத்தியமற்றது" என்றும், இந்த மோதல் "முற்றிலும் முடிந்துவிட்டது" என்றும் அவர் அறிவித்துள்ளார். 

 கத்தார் பிரதமர் ஷேக் முகமது பின் அப்துல்ரஹ்மான் பின் ஜாசிம் அல் தானியும், வாஷிங்டன் டி.சி. பயணத்தின் போது அமெரிக்க துணை அதிபர் ஜே.டி. வேன்ஸை சந்தித்து, "ஒரு உடன்பாட்டை எட்டுவதற்கும், பிராந்தியத்தில் அமைதியைக் கொண்டுவருவதற்கும் நேர்மறையான விவாதங்கள்" நடந்ததாக விவரித்தார். 

ஹூதிகளுக்கு எதிராகப் போராடும் சவூதி அரேபியா தலைமையிலான கூட்டணியின் செய்தித் தொடர்பாளர் மேஜர் ஜெனரல் துர்கி அல்-மாலிகி, தனது கிழக்கு மாகாணத்தில் ஒரு ஆளில்லா விமானத்தையும், ரியாத்தை நோக்கி ஏவப்பட்ட இரண்டு ஹூதி ஏவுகணைகளையும் சவூதி அரேபியா இடைமறித்துள்ளதாகக் கூறியுள்ளார்.

என்விடியா மற்றும் ஜென்சன் ஹுவாங் மீது பங்குதாரர்கள் வழக்கு!!.

4.3 டிரில்லியன் டாலர் (3.2 டிரில்லியன் பவுண்ட்) மதிப்புள்ள என்விடியா நிறுவனத்தைச் சூழ்ந்துள்ள சீன உளவு ஊழல் தொடர்பான வழக்கில், அந்நிறுவனமும் அதன் தலைமை நிர்வாகி ஜென்சன் ஹுவாங்கும் பங்குதாரர்களை ஏமாற்றியதாகக் குற்றம் சாட்டப்பட்டுள்ளனர். 

ஒரு சீன உளவாளியுடன் ஹுவாங்கிற்கு இருந்த தொடர்பு குறித்து எஃப்.பி.ஐ விசாரித்து வருவதாக டொனால்ட் டிரம்ப் கூறிய நிலையில் இந்த சட்ட நடவடிக்கை எடுக்கப்பட்டுள்ளது. 

கலிபோர்னியாவின் சான் ஹோசேவில் உள்ள கூட்டாட்சி நீதிமன்றத்தில் தாக்கல் செய்யப்பட்ட ஒரு புகாரின்படி, சிங்கப்பூரைச் சேர்ந்த மெகாஸ்பீட் நிறுவனத்தின் முன்னாள் நிர்வாகியும், ஹுவாங்கிற்கும் எந்த உறவுமுறையும் இல்லாதவருமான ஆலிஸ் ஹுவாங்குடன் ஹுவாங்கிற்கு இருந்ததாகக் கூறப்படும் தொடர்பு தொடர்பாக, என்விடியாவும் ஹுவாங்கும் பங்குதாரர்களைத் தவறாக வழிநடத்தியுள்ளனர்.

இந்த விவகாரம் தேசியப் பாதுகாப்பு குறித்த கவலைகளை எழுப்பியதையும், அது என்விடியாவின் நற்பெயரையும் வணிக வாய்ப்புகளையும் அச்சுறுத்தியதையும் இரு தரப்பினரும் வெளியிடவில்லை என்று பங்குதாரர்கள் கூறுகின்றனர். 

 நியூயார்க் டைம்ஸ் கடந்த மாதம் இந்தக் கூறப்படும் உறவு குறித்து செய்தி வெளியிட்டதுடன், ஆலிஸ் ஹுவாங் ஒரு சீன உளவுத்துறை சொத்து என்று அமெரிக்க அதிகாரிகள் முடிவு செய்துள்ளதாகவும் கூறியது. 

கருத்து தெரிவிக்குமாறு ராய்ட்டர்ஸ் விடுத்த கோரிக்கைக்கு என்விடியா உடனடியாகப் பதிலளிக்கவில்லை. ஜென்சன் ஹுவாங், கூறப்படும் அந்த உறவின் விவரங்களை வெளியிடாமல், தான் தனது மனைவிக்குத் துரோகம் செய்ததாக என்விடியாவின் ஊழியர்களிடம் கூறினார். 

அவர் 1993-ல் என்விடியாவை இணைந்து நிறுவினார். மேலும், கலிஃபோர்னியாவைச் சேர்ந்த அந்த நிறுவனம் உலகின் மிகவும் மதிப்புமிக்க சிப் தயாரிப்பாளராக உருவெடுத்தபோது அதை வழிநடத்தினார். இது அவரை செயற்கை நுண்ணறிவு வளர்ச்சியின் உலகின் மிக முக்கியமான சின்னங்களில் ஒருவராக மாற்றியது.

சிங்கராஜா வனத்தில் பூச்சிகளை சேகரித்த 4 சீனர்கள் சிக்கினர்

சிங்கராஜா வனப்பகுதியில் சட்டவிரோதமான முறையில் பூச்சிகள் மற்றும் ஊர்வன வகைகளைச் சேகரித்துக் கொண்டிருந்த பெண் ஒருவர் உட்பட சீனாவைச் சேர்ந்த நால்வரை வனஜீவராசிகள் திணைக்கள அதிகாரிகள் கைது செய்துள்ளனர். 

உடவலவ தேசிய பூங்காவின் பனஹடுவ வனப் பாதுகாப்பு அலுவலகத்துக்கு கிடைத்த இரகசியத் தகவலின் அடிப்படையில் மேற்கொள்ளப்பட்ட விசேட சோதனையின் போதே இவர்கள் கைது செய்யப்பட்டுள்ளனர். கைது செய்யப்பட்ட சந்தேகநபர்களிடமிருந்து சுமார் 40 வெவ்வேறு இனத்தைச் சேர்ந்த 250க்கும் மேற்பட்ட ஊர்வன மற்றும் பூச்சிகள் கைப்பற்றப்பட்டுள்ளன.

இவர்கள் இதற்கு முன்னரும் இலங்கை வந்திருப்பது ஆரம்பக்கட்ட விசாரணைகளில் தெரியவந்துள்ளதாக வனஜீவராசிகள் திணைக்கள அதிகாரிகள் தெரிவித்துள்ளனர். கைது செய்யப்பட்ட சந்தேக நபர்களும் கைப்பற்றப்பட்ட உயிரினங்களும் கலவானை நீதவான் நீதிமன்றத்தில் ஆஜர்படுத்தப்பட்டதை அடுத்து, சந்தேக நபர்களை எதிர்வரும் 23ஆம் திகதி வரை விளக்கமறியலில் வைக்குமாறு நீதவான் உத்தரவிட்டுள்ளார். 

அத்துடன், அவர்களிடமிருந்து கைப்பற்றப்பட்ட உயிருள்ள மற்றும் இறந்த உயிரினங்களைச் சரியாக அடையாளம் காண்பதற்காக தேசிய அருங்காட்சியகத்துக்கு இன்றைய தினம் (10) அனுப்பி வைக்குமாறும், அதன் பின்னர் அவற்றை மீண்டும் சுற்றாடலில் சுதந்திரமாக விடுவிக்குமாறும் நீதிவான் கட்டளையிட்டுள்ளார். 

இதேவேளை, சில நாட்களுக்கு முன்னர் பபவ உத்தரகந்த வனப்பகுதியில் இவ்வாறானதொரு மரபணு திருட்டில் (Genetic smuggling) ஈடுபட்ட குற்றச்சாட்டில் ஜெர்மனியர்கள் இருவர் உட்பட நால்வர் கைது செய்யப்பட்டிருந்தமை குறிப்பிடத்தக்கது.

கொழும்பு வெள்ளப் பெருக்கு - விசேட குழு

கொழும்பு நகரில் ஏற்படும் திடீர் வெள்ள அபாயத்தை வினைத்திறனாகவும் துரிதமாகவும் எதிர்கொள்வதற்காக, கொழும்பு மாநகர சபையின் வழிகாட்டலில் முப்படையினர், பொலிஸார் மற்றும் தொடர்புடைய நிறுவனங்களை உள்ளடக்கிய விசேட செயற்பாட்டுக் குழுவை உடனடியாக அமைக்குமாறு ஜனாதிபதியின் செயலாளர் கலாநிதி நந்திக சனத் குமாநாயக்க உத்தரவிட்டுள்ளார். 

 கொழும்பு நகரில் அண்மையில் ஏற்பட்ட அவசர நீர் தேங்கும் நிலைமை மற்றும் அதற்காக எடுக்கப்பட வேண்டிய உடனடித் தீர்வுகள் குறித்து ஆராயும் பொருட்டு, ஜனாதிபதி செயலகத்தில் இன்று (7) பிற்பகல் நடைபெற்ற விசேட கலந்தரையாடலின் போதே இந்த உத்தரவு பிறப்பிக்கப்பட்டது. 

06 கொழும்பு நகரில் ஏற்பட்ட திடீர் வெள்ளப் பெருக்குக்கு ஒரு மணித்தியாலத்திற்கு 129 மி.மீ. எனும் அளவிலான அதிகப்படியான மழைவீழ்ச்சி பதிவானமையே பிரதான காரணமென கொழும்பு மாநகர சபை அதிகாரிகள் இதன்போது சுட்டிக்காட்டினர். தற்போதைய வடிகால் மற்றும் நீர்வடிகால் அமைப்புகள் ஒரு மணித்தியாலத்திற்கு 30 மி.மீ. மழைவீழ்ச்சியை மட்டுமே தாங்கக்கூடிய திறன் கொண்டவை என்றும் அவர்கள் தெரிவித்தனர். 

 அத்துடன், முறையற்ற விதத்தில் கழிவுகளை அகற்றுதல் மற்றும் சட்டவிரோதக் கட்டுமானங்கள் காரணமாகவே நீர் செல்லும் சில வடிகால் அமைப்புகளும் கால்வாய்களும் அடைபட்டுள்ளதாக இந்தக் கலந்தரையாடலில் தெரியவந்துள்ளது. 

இதனால் சட்டவிரோதக் கட்டுமானங்களை அகற்றி, பாதிக்கப்பட்டவர்களைத் தகுந்த இடங்களில் குடியமர்த்துவதற்கான திட்டங்களை உடனடியாக நடைமுறைப்படுத்தவும், முறையற்ற விதத்தில் கழிவுகளை வீசுபவர்களுக்கு எதிராகச் சட்டத்தை தீவிரமாக நடைமுறைப்படுத்தவும் தீர்மானிக்கப்பட்டுள்ளது. 

வடிகால் அமைப்புகளை மேம்படுத்துவதற்காகக் குறுகிய கால, மத்திய கால மற்றும் நீண்ட கால திட்டங்களை வகுத்துச் செயற்படுத்துவது குறித்தும், நீர் ஒழுங்காக வெளியேறும் வகையில் அடைபட்டுள்ள வழிகளை உடனடியாகச் சுத்தப்படுத்துவது குறித்தும் இதன்போது விரிவாக ஆராயப்பட்டது. 

கொழும்பு மாநகர சபை முதல்வர் விராய் கெலி பல்தசார், பிரதி முதல்வர் ஹேமந்த குமார, 'க்ளீன் ஸ்ரீ லங்கா' செயலணியின் செயலாளரும் ஜனாதிபதியின் சிரேஷ்ட மேலதிக செயலாளருமான ரசல் அபோன்சு, அமைச்சுக்களின் செயலாளர்கள், முப்படை மற்றும் பொலிஸ் பிரிவின் சிரேஷ்ட அதிகாரிகள் உட்பட பலர் இந்த நிகழ்வில் கலந்துகொண்டனர்.

பாணந்துறை சீனர்கள் தங்கியிருந்த விடுதியில் திடீர் சோதனை

பாணந்துறை தெற்கு பொலிஸ் பிரிவிற்குட்பட்ட நல்லுருவ பகுதியில் அமைந்துள்ள விடுதி ஒன்றில் மேற்கொள்ளப்பட்ட விசேட சோதனையின்போது 23 கணினிகள் பொலிஸாரால் பறிமுதல் செய்யப்பட்டுள்ளன. குறித்த விடுதியில் இணையதளம் ஊடாக சட்டவிரோத வர்த்தகம் மற்றும் நிதி மோசடிகள் இடம்பெற்று வருவதாகக் கிடைத்த தகவலுக்கு அமைய, பாணந்துறை குற்றப் புலனாய்வுப் பிரிவினரால் நேற்று (7) மற்றும் அதற்கு முந்தைய நாள்களில் இந்த விசேட சோதனை நடவடிக்கை முன்னெடுக்கப்பட்டது. 

பாணந்துறை பிரிவுக்குப் பொறுப்பான சிரேஷ்ட பொலிஸ் அத்தியட்சகருக்குக் கிடைத்த இரகசியத் தகவலின் அடிப்படையில், பாணந்துறை நீதவான் நீதிமன்றில் பெறப்பட்ட சோதனைக் கட்டளைக்கு அமைவாகவே இந்தத் திடீர் சோதனை நடத்தப்பட்டுள்ளது.

இந்த கூட்டு நடவடிக்கையில் குற்றப் புலனாய்வுத் திணைக்களம், பொலிஸ் விசேட அதிரடிப்படை, குற்றப் பதிவுப் பிரிவு, பொலிஸ் மோப்ப நாய்ப் பிரிவு மற்றும் அரச கரும மொழிகள் திணைக்களம் ஆகியன இணைந்து பங்களித்துள்ளன. 

அவ்விடுதியில் தங்கியிருந்த 32 சீன நாட்டவர்கள் ஏதேனும் குற்றச் செயல்களில் ஈடுபட்டுள்ளனரா என்பது குறித்து விசாரணைகளை முன்னெடுப்பதற்காக, அவர்களின் பொறுப்பிலிருந்த 23 கணினிகள் மற்றும் அதன் உபகரணங்கள் பொலிஸாரால் பொறுப்பேற்கப்பட்டு பாணந்துறை தெற்கு பொலிஸ் நிலையத்தில் ஒப்படைக்கப்பட்டுள்ளன.

இச்சம்பவம் தொடர்பான மேலதிக விசாரணைகளைக் குற்றப் புலனாய்வுத் திணைக்களம் தீவிரமாக மேற்கொண்டு வருகின்றது.

டெஸ்லாவின் சைபர்ட்ரக்கின் பயணம் முடிவுக்கு

டெஸ்லாவின் ரோட்ஸ்டர் மின்சார ஸ்போர்ட்ஸ் காரின் புதிய பதிப்பு, டெக்சாஸில் அறிமுகப்படுத்தப்பட்டுள்ளது. காற்றில் மிதக்கவும் திரும்பவும் உதவும் உந்துவிசைக் கருவிகள் இதில் பொருத்தப்பட்டுள்ளன. "இன்று இரவு நீங்கள் சில வியக்கத்தக்க விஷயங்களைக் காணப் போகிறீர்கள்," என்று அந்த கார் நிறுவனத்தின் தலைமைச் செயல் அதிகாரி எலான் மஸ்க், இந்த மாடலை உருவாக்க உதவிய தனது ஸ்பேஸ்எக்ஸ் நிறுவனத்திற்குச் சொந்தமான ஒரு மையத்தில் அந்த வாகனத்தை அறிமுகம் செய்தபோது கூறினார். "இந்தக் கார் செயற்கை நுண்ணறிவு அல்ல" என்பதை நிரூபிக்க பார்வையாளர்கள் தேவை என்று கூறிய மஸ்க், ஒரு செங்குத்தான சரிவில் ஏறி இறங்குவது, காற்றில் சுழல்வது, மற்றும் காற்று ஜெட்களைப் பயன்படுத்தி தரையிறங்குவது போன்ற செயல் விளக்கங்களைக் காண்பிப்பதற்கு முன்பு இவ்வாறு கூறினார். 

ஆனால், பிபிசியின் தொழில்நுட்ப ஆசிரியர் ஸோயி க்ளெய்ன்மேன் விளக்குவது போல, பறக்கும் காரை நாம் விரைவில் நமது சாலைகளில் காண வாய்ப்பில்லை என்பதற்குப் பல காரணங்கள் உள்ளன.