நீதிமன்ற அவமதிப்புத் தீர்ப்பைத் தொடர்ந்து விதிக்கப்பட்ட ஆறு வருட சிறைத்தண்டனையை உடனடியாக நடைமுறைப்படுத்துமாறு மேன்முறையீட்டு நீதிமன்றம் உத்தரவிட்டிருந்தது.
இந் உத்தரவை அடுத்து, அவர் வெலிக்கடை சிறைச்சாலையில் சாதாரணக் கைதியாகப் பதிவு செய்யப்பட்டு, சிறைக் கைதிகளுக்கான வழமையான சீருடைக்கு மாற்றப்பட்டுள்ளதாகச் சிறைச்சாலை ஊடகப் பேச்சாளரும், செயற்பாடுகளுக்கான சிறைச்சாலை ஆணையாளருமான செனக பல்லேகென்ன உத்தியோகபூர்வமாகத் தெரிவித்துள்ளார்.
ஞானசார தேரரின் சீருடையைக் கழற்ற வேண்டாமென்றும், அவரைத் தொடர்ந்து சம்பிரதாயபூர்வமான பிக்கு சீருடையான பீதாம்பரத்தை (காவியுடை) அணிய அனுமதிக்க வேண்டும் என்றும் சிறைச்சாலைகள் ஆணையாளர் நாயகத்திடம் சிரேஷ்ட பேராசிரியர், அனுநாயக்க மாநாயக்க தேரர் கொட்டப்பிட்டியே ராகுல தேரர் கோரிக்கை விடுத்துள்ளார்.
சிறைச்சாலைகள் ஆணையாளர் நாயகத்திற்கு அவர் அனுப்பி வைத்துள்ள விசேட கடிதத்தில் இதனை குறிப்பிட்டுள்ள அவா் பௌத்த மத ஒழுங்குமுறைகள் மற்றும் மரபுகளின் பிரகாரம், ஒரு பிக்குவின் சீருடையை (உடையை) அகற்றும் அதிகாரம் சம்பந்தப்பட்ட பிக்குவிற்கும் அவர் சார்ந்திருக்கும் மகா சங்கசபைக்கு மட்டுமே உரித்தானது எனவும் ஞானசார தேரருக்கு எதிரான நீதிமன்றத் தீர்ப்பையோ அல்லது அதன் மேலாதிக்கத்தையோ சங்கம் எவ்வகையிலும் எதிர்க்கவில்லை எனவும் தொிவித்துள்ளாா்.
சிறைச்சாலையில் பிக்குவின் உடை அகற்றப்பட்டதாக வெளியான தகவல்கள் தொடர்பில் மகா சங்கம் விசேட கவனம் செலுத்தியுள்ளது. ஞானசார தேரர் மீதான குற்றச்சாட்டுக்கள் எவையும் விநயப் பீடகத்தின்படி ‘பாராஜிக’ குற்றமாகவோ அல்லது பௌத்த துறவற உடையைக் கழற்றும் அளவுக்குத் தீவிரமான குற்றமாகவோ சங்கசபையின் முன்பு கொண்டுவரப்படவில்லை. இது குறித்து விசாரித்து இறுதி முடிவெடுப்பது சம்பந்தப்பட்ட சங்கசபையின் பிரத்தியேகப் பொறுப்பாகும்.
கருத்துகள் இல்லை:
கருத்துரையிடுக