இதனால் கடல் நீர் அதிக வெப்பமாகவும், உயர்ந்த மட்டத்துடனும், உயிரினங்கள் வாழ்வதற்கு ஏற்றதல்லாத சூழலுடனும் மாறியுள்ளதாக ஒரு அறிக்கை தெரிவிக்கிறது.
அந்த ஆண்டில் மனிதகுலம் பயன்படுத்திய மொத்த ஆற்றலை விட ஏறக்குறைய 40 மடங்கு அதிகமான வெப்ப ஆற்றல் கடலில் சேர்ந்திருப்பது, பூமியில் உயிரினங்களின் வாழ்வாதாரத்திற்கு அடிப்படையான ஆழ்கடல் பகுதிகளில் ஏற்பட்டுள்ள பெரும் மாற்றங்களுக்கு மத்தியில் நிகழ்ந்துள்ளது.
'கோப்பர்நிக்கஸ் கடல் நிலை அறிக்கை'யின் (Copernicus ocean state report) 10-வது பதிப்பின்படி, 1999 முதல் கடல் மட்டம் ஆண்டுக்கு சுமார் 3.8 மி.மீ என்ற விகிதத்தில் உயர்ந்துள்ளது;
மேலும் 2012 மற்றும் 2025-க்கு இடைப்பட்ட காலத்தில் இது ஆண்டுக்கு 4.2 மி.மீ என்ற வேகத்தில் உயர்ந்துள்ளது.
கடந்த 40 ஆண்டுகளில் உலகளாவிய கடல் நீர் 17% அதிக அமிலத்தன்மை கொண்டதாக மாறியுள்ளதையும் இந்த அறிக்கை கண்டறிந்துள்ளது.மனிதகுலம் வெளியேற்றிய கார்பன் டை ஆக்சைடில் மூன்றில் ஒரு பங்கையும், பசுமை இல்ல வாயு மாசுபாட்டால் புவியின் அமைப்பில் சிக்கியுள்ள கூடுதல் வெப்பத்தில் சுமார் 90 சதவீதத்தையும் பெருங்கடல்கள் உறிஞ்சியுள்ளன.
பெருங்கடல் நம் கண் முன்னே உருமாறி வருகிறது," என்று இந்த அறிக்கையை வெளியிட்ட மெர்கேட்டர் ஓஷன் இன்டர்நேஷனல் நிறுவனத்தின் தலைமை இயக்குநர் பியர் பஹுரெல் கூறினார். "வெப்பமயமாதல், கடல் மட்டம் உயர்தல் மற்றும் சுற்றுச்சூழல் சீரழிவு ஆகியவை குறிப்பிடத்தக்க மற்றும் நீண்டகால மாற்றத்தின் ஒன்றோடொன்று தொடர்புடைய அறிகுறிகளாகும்.
"
உலக சராசரியை விட இரண்டு மடங்கு வேகமாக வெப்பமடைந்து வரும் ஐரோப்பாவில், மத்திய தரைக்கடல் மற்றும் கருங்கடல்கள், சாதனை அளவிலான கடல் வெப்ப அலைகளால் பாதிக்கப்பட்டுள்ளன.
அதாவது, நீரின் மேற்பரப்பிற்குக் கீழே ஆழத்தில் நீடிக்கும் உயர்ந்த வெப்பநிலையுடன் கூடிய வெப்ப அலைகள் மற்றும் ஒரு மாதத்திற்கும் மேலாக நீடித்த கடுமையான வெப்ப அலைகள் ஆகியவற்றால் பாதிக்கப்பட்டுள்ளன என்று விஞ்ஞானிகள் கண்டறிந்துள்ளனர்.
கருத்துகள் இல்லை:
கருத்துரையிடுக