குழந்தை உரிமை ஆர்வலர் ஒருவர் சென்னை மத்திய குற்றப்பிரிவிடம் வீடியோ அடங்கிய பென் டிரைவை வழங்கி, எஃப்.ஐ.ஆர் பதிவு செய்யப்பட்டது. ஆனால் ஐந்து மாதங்களாக எவ்வித நடவடிக்கையும் எடுக்கப்படவில்லை. பின்னர் 2026 பிப்ரவரியில், “வீடியோ தெளிவில்லாததால் பாதிக்கப்பட்டவர்களைச் கண்டறிய முடியவில்லை” எனக்கூறி வழக்கை மூட காவல் துறை முற்பட்டது.
இதை முன்னாள் சட்ட அமைச்சர் எஸ். ரகுபதி நியாயப்படுத்த முயன்ற நிலையில், பள்ளிக் கல்வித்துறை அமைச்சர் ஏ. ராஜ்மோகன் “பாலியல் கொடுமையைக் கண்டறிய வீடியோவை எதிர்பார்க்கிறீர்களா?” எனக் காட்டமாகக் கேள்வி எழுப்பினார். இந்த வழக்கை விசாரித்த நீதிபதி கே. கோவிந்தராஜன் திலகவதி, இரு தரப்பினரும் வழக்கை அரசியல் லாபத்திற்காகப் பயன்படுத்தக் கூடாது என எச்சரித்தார்.
அதேபோல ‘துளிர்’ அறக்கட்டளை தொடர்ந்த வழக்கில் நீதிபதி வி. லட்சுமிநாராயணன், 26/11 மும்பை தாக்குதலின் போது ஊடகங்கள் செய்த குளறுபடிகளைச் சுட்டிக்காட்டினார். பாதிக்கப்பட்ட சிறுமிகளின் வீடியோக்களை இணையத்தில் வெளியிடக் கூடாது என மெட்டா, கூகுள், எக்ஸ் ஆகிய சமூக வலைதளங்களுக்குத் தடை விதித்து உத்தரவிட்டார்.
மதுராந்தகம் பிரச்சாரத்தில் பேசிய தமிழக வெற்றி கழக தலைவரும் முதலமைச்சருமான சி. ஜோசப் விஜய், “சிறுமிகளின் வேதனையைப் பற்றி வெளியே பேசாமல் மு.க.ஸ்டாலின் ஏன் அமைதி காக்கிறார்?” என்று காட்டமாகக் கேள்வி எழுப்பினார்.
இதற்குப் பதிலடி கொடுத்த திமுக தலைவர் ஸ்டாலின், “குழந்தைகளின் துயரத்தைத் தேர்தல் லாபத்திற்குப் பயன்படுத்த வேண்டாம்” என்று கூறியதோடு, அவதூறு பரப்பும் டிவிேக நிர்வாகிகள் மீது நடவடிக்கை எடுக்க நீதிமன்றத்தை அணுகியுள்ளார்.
ஒரு காலத்தில் தொண்டுள்ளம் கொண்டவராகக் காட்டப்பட்ட வீரமணியின் கொடூரச் செயலும், அதிகார வர்க்கத்தின் அலட்சியமும், ஊடகங்களின் பரபரப்பு வேட்டையும் ஒருபுறம் இருக்க…
ஏழைச் சிறுமிகளின் கதறலும் நீதியும் அரசியல் கூச்சலுக்கு நடுவே மூழ்கிப் போயுள்ளன. நீதிமன்ற எதிர்ப்பிற்கு பிறகும் வீரமணியின் பாலியல் சிறுமிகள் சீரழிப்பு விவகாரம் தமிழக இரண்டு தொகுதிகளின் இடைத்தேர்தல் பிரச்சார ஆயுதமாக மாற்றப்பட்டு உள்ளது தமிழக வெற்றி கழக தலைவர்கள் மற்றும் திமுக தலைவர்கள் இது தொடர்பாக மேடைகளில் ஆவேசமாக பேசி வருகின்றனர் இது மனிதநேயமற்ற செயல் என்று நடுநிலையாளர்கள் கண்டனம் தெரிவித்து வருகின்றனர்.
கருத்துகள் இல்லை:
கருத்துரையிடுக