இவ் விபத்தில் 36 வயதுடைய எலிஷா பிராபின் (Elisha Brabin) என்ற தாயும், அவரது பிள்ளைகளான லியோ (Leo – 16 வயது), எல்லிஸ் (Ellis – 8 வயது) மற்றும் புரூடன்ஸ் (Prudence – 7 வயது) ஆகிய நால்வரும் உயிரிழந்துள்ளனர். செவ்வாய்க்கிழமை அதிகாலை சுமார் 3.45 மணியளவில் வீட்டின் மாடிப் படுக்கையறையிலிருந்து நால்வரும் அசைவற்ற நிலையில் சடலங்களாக மீட்கப்பட்டதாக மீட்புப் பிரிவினர் தெரிவித்துள்ளனர்.
அதிகாலை வேளையில் ஏற்பட்ட அலறல் சத்தத்தைக் கேட்டு விழித்ததாகவும், நபர் ஒருவர் “அவர்களை வெளியே கொண்டு வாருங்கள்” எனக் கூச்சலிட்டதாகவும், பின்னர் அவசர ஊர்திகளின் நீல நிற விளக்குகளைக் கண்ட பின்னரே விபத்தின் தீவிரத்தைப் புரிந்து கொள்ள முடிந்ததாகவும் அப்பகுதி வாசிகள் ஊடகங்களிடம் விபரித்துள்ளனர்.
மின் ஒழுக்கு அல்லது மின்சார மாற்றத்தால் லித்தியம்-அயன் பற்றரி ஒன்று அதீத வெப்பமடைந்து கட்டுப்பாடற்ற நிலைக்குச் சென்றதே (thermal runaway) இத் தீ விபத்திற்கு முதன்மைக் காரணம் என மேர்சிசைட் தீயணைப்பு மற்றும் மீட்புப் பிரிவு (MFRS) மற்றும் மேர்சிசைட் காவற்துறையினர் இணைந்து உறுதிப்படுத்தியுள்ளனர்.
லித்தியம்-அயன் பற்றரிகள் மடிக்கணினிகள் (Laptops), கையடக்கத் தொலைபேசிகள் (Mobile phones), மின்சார ஸ்கூட்டர்கள் (E-scooters), மின்சார மிதிவண்டிகள் (E-bikes) போன்ற பல்வேறு சாதனங்களில் பயன்படுத்தப்பட்டு வரும் நிலையில், இத் தீ விபத்தை ஏற்படுத்திய குறிப்பிட்ட சாதனம் எது என்பது குறித்து அதிகாரிகள் இன்னும் தொடர்ந்து தீவிர விசாரணைகளை மேற்கொண்டு வருகின்றனர்.
கருத்துகள் இல்லை:
கருத்துரையிடுக